نصائح مصطفى حسني للتفاهم في أول شهور الزواج
قدم الداعية مصطفى حسني لمتابعيه مجموعة نصائح لتحقيق التفاهم بين الزوجين في أول شهور الزواج.
قال “حسني” خلال فيديو نشره عبر حسابه على “إنستجرام“: “في الجواز بعد مرحلة شهر العسل، بتبدأ مرحلة الإدراك.. ودي فيها كل واحد بيدرك إن في مميزات بيدور عليها ومش لاقيها وفي عيوب جديدة بيكتشفها، فبنبقى محتاجين كل واحد يصلح من نفسه ويتحمل عيب اللي قدامه، عشان كده لازم تتكلموا مع بعض بوضوح بس متسيبوش فرصة للشيطان يوقع بينكم”.
نرشح لك:نصيحة مصطفى حسني بشأن التفكير في نظرة الناس
أضاف: “بلاش نتهم بعض ونشتم بعض وإحنا بنتكلم، لأن الشيطان هنا شاطر جدا ممكن تكونوا هتوصلوا لحل ويفسد الموضوع بسبب الهجومية والمقاطعة والتريقة”.
أردف: “طبيعي كلنا كده في بداية الجواز مبنطبعش على بعض بسهولة لأن كل واحد فيكم بقاله أكتر من 20 سنة متربي في بيت أهله بطريقة معينة، فالتقبل والصبر هما كلمة السر واللي بيدور على الزواج والعفة ربنا بيساعده”.
View this post on Instagram
في سياق منفصل، أجاب الداعية مصطفى حسني على سؤال طُرح عليه من أحد متابعيه، يقول فيه: كيف أعيش حياتي كما أحبها ولا أفكر فيما يقوله الناس حولي؟
قال حسني خلال مقطع فيديو نشره على حسابه عبر موقع إنستجرام: “الناس تراب؛ فأنت لو مهتم بنظرة “التراب” أنت اللي بتنزل نفسيتك وقلبك.. ولو شايف إن التراب بينفع وبيضر يبقى راجع معلوماتك”.
أضاف: “البني آدم كائن ليس له تأثير أمام قدرة الله.. إذا أراد الله شيئا لا يقف أمامه الإنسان، الناس بتحكم على بعض برؤيتها.. يعني أنا هحكم عليك بعقلي فأنا عقلي ده بايظ ومليان أمراض ومخاوف وظنون وعندي مشاكل انت متدفعش تمنها”.