مصطفى حسني: إنفاق المرأة على منزلها صدقة

تحدث الداعية مصطفى حسني عن أجر السيدات العاملات جزاء عملهن ومشاركتهن في الإنفاق على المنزل، وأجر ربات البيوت جزاء خدمتهن.

قال “حسني” خلال فيديو نشره عبر حسابه على “إنستجرام“: “الست اللي مبتشتغلش لكن بتشتغل في بيتها أجرها كبير جدا، في كل لحظة بتعملي فيها حتى ساندوتش بتاخدي أجر إطعام الطعام، ده غير أجر صلة الرحم لأنك بتعملي لأهل بيتك، ده أجر دنيا وآخرة.. عشان كدة مفيش واحدة تتكسف لما يسألوها بتشتغلي إيه وتقولهم ربة منزل”.

نرشح لك: أحمد كريمة: فضح المعاصي من خطوات الشيطان

أضاف: “الست اللي بتشتغل وتصرف في البيت كل مليم بتصرفه له أجر الإنفاق في سبيل الله لأن ده مش واجب عليها.. دي بتتصدق، وأجر صلة الرحم لأنها بتنفق على أهلها”.

في سياق آخر، أجاب مصطفى حسني على سؤال ورد إليه من متابع، يسأل فيه: كيف نحافظ على طيبة القلب رغم الأذى اللي بنلاقيه من الناس؟

قال حسني في مقطع فيديو نشره على حسابه عبر موقع إنستجرام، إنه للحفاظ على طيبة القلب بالرغم من التعرض للأذى من شخص ما؛ يكون بألا نحمل طيبة قلوبنا أخطاء الناس.

أوضح: “متحملش طيبة قلبك أخطاء الناس.. اللي أذاك أذاك لأنه مؤذي واللي غدر بيك عمل كده لأنه غدار والخاين خانك لأنه هو اللي خاين وشريكك اللي سرقك لأنه هو اللي حرامي مش عشان انت طيب”.

أضاف: “انت لازم تفضل طيب، انت ممكن تحط جنب طيبتك شوية حرص ووعي وخبرة في معاملات الناس، لكن متتخلصش من طيبة قلبك عشان تعرف تعيش.. لو تخلصت من الطيبة تبقى قاسي والنبي قال إن أبعد القلوب عن الله القلب القاسي”.

إنفاق المرأة على منزلها إنستجرام رئيسية مصطفى حسني نيوز ليتر