فيفي عبده تكشف سر السبع موجات

كشفت الفنانة فيفي عبده، عن سبب نزولها إلى البحر والدعاء تحت الأمواج، والتي تعرف بـ “السبع موجات”، موضحا أنها أعتادت فعل هذه الأشياء وتتفائل بها.

أضافت “عبده” خلال لقائها في برنامج “كلام الناس“، مع الإعلامية ياسمين عز، المذاع عبر شاشة “mbc مصر”: “أنا متعودة أروح البحر اقرأ قرآن وأنا واقفة، وبنزل 7 موجات وأنا بقرأ القرآن بتفائل بده، أنا بغطس نفسي تحت الموجة، ومتستنيش وتاخدي نفسك لا الموجات السبعة ورا بعض متاخديش نفسك، وتنزلي وتطلعي تغسلي همومك”.

أشارت: “قعدت كذا سنة ماشتغلش، وكان عندي حالة اكتئاب واتخنت، ورحت قعدت في مارينا 5 شهور خسيت من المشي والعوم، في منتج قال لبنتي ماما معايا السنة دي بيوقف سوقي.. كان نفسي أعمل (شباب إمرأة) مسلسل فقلت أكلم سمية تيجي تعمله معايا”.

أردفت: “وقفت في المياه وبصيت لربنا وقلت وحياة موجك يا رب اللي مش عارفة أعده تنصفني على مل اللي ظلموني، طلعت من المياه لقيت اللي قال هي معايا طالبني، بعد ما طلعت من السبع موجات، كتبت على اسمه بسم الله الرحمن الرحيم، قالي عايزين نعمل (كيد النسا)، قولتله أنا كنت هخش مع سمية قالي سمية معايا”.