خالد الجندي: الفراعنة أعظم الناس إيمانا بعد الأنبياء

قال الشيخ خالد الجندي، إن الفراعنة أعظم الناس إيمانا بعد الأنبياء، موضحا أن الأغبياء يعتقدون أن الفراعنة هم فرعون وجنوده فقط، فهم لا يرون مؤمني الفراعين.

أضاف “الجندي” خلال حلقة اليوم من برنامج “لعلهم يفقهون” المذاع عبر شاشة “dmc”، أن زوجة فرعون كانت من الفراعنة وهي سيدة نساء العالمين، فقد قال تعالى (وَضَرَبَ اللَّهُ مَثَلًا لِّلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِندَكَ بَيْتًا فِي الْجَنَّةِ وَنَجِّنِي مِن فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ)، لافتا: “مرات فرعون كانت من الفراعنة ولا مش من الفراعنة يا مؤمن؟ كانت من الفراعنة رضي الله عنها وأرضاها، مجبتش سيرتها ليه وأنت بتتكلم عن الفراعنة”.

نرشح لك: خالد الجندي لمنتقديه: متهزروش مع أزهري

أشار: “أنت مش لازم تكون من نسل فرعون اللي غرق، لازم تكون من نسل الفراعين اللي نجوا برحمة الله وبتوحيدهم لله، حد شاف إيمان زي إيمان سحرة فرعون، طب إيه رأيكم أن السحرة دول اللي فرعون قطعهم مرجعوش في إيمانهم.. نسيتوا ماشطة ابنة فرعون اللي هي عندها ابنها من الأربع أطفال اللي اتكلموا في المهد، مش الماشطة دي كانت من الفراعين”.

أردف: “هما دول الفراعنة اللي البعض بيوريكم أنهم كفرة وملحدين ومشركين وبيعبدوا أصنام، اللي غرقوا هما اللي كانوا كده، إنما ربنا سبحانه وتعالى كتب النجاة للفراعين المؤمنين الذين خلدهم في القرآن ليباهي بهم المؤمنين يوم القيامة إلى يوم الدين، مش دول كانوا من الفراعنة؟ هتيجوا النهاردة تعايروا المؤمنين أنهم كانوا من الفراعين، إحنا سلالة فرعونية مؤمنة بالله، ورحمة الله على كل واحد من أسرة فرعون كان من المؤمنين”.