مصطفى حسني يوضح حكم ضرب الزوجة لزوجها
هدير عبد الوهاب
رد الداعية مصطفى حسني، على سؤال من إحدى متابعيه بشأن تكرار ضربها من زوجها ودفاعا عن نفسها تطاولت عليه بالضرب أيضا، متسائلة عن ما حكم ذلك في الإسلام.
قال “حسني” خلال مقطع فيديو عبر حسابه الرسمي على موقع “إنستجرام”، إن ضرب الزوج لزوجته جريمة، مؤكدا على أن الشريعة الإسلامية نهت عن ذلك وأوصت على التعامل مع النساء برفق ورحمة، مستشهدا بقول الله سبحانه وتعالى: “واللاتي تخافون نشوزهن فعظوهن واهجروهن في المضاجع”.
نرشح لك: تعليق مصطفى حسني على متابعة أعلنت رفضها لزواج الصالونات
أشار إلى ضرورة تقديم النصيحة والموعظة بحب وصبر، لافتا إلى أن يجب على الزوجة أن تأخذ موقفا صارما لوقف الإهانة والضرب والإستعانة بأحد من أهله أولًا أو أحد من أهلها، كما أمرنا الله في سورة النساء، حيث قال: “وإن خفتم شقاق بينهما فابعثوا حكما من أهله وحكما من أهلها”.
أردف: “دي جريمة لما واحد يضرب مراته ولا أي حاجة فيها ألام وإهانة، الشريعة لم تحلل ده لما ربنا قال في القرآن “واللاتي تخافون نشوزهن”، الست الناشز هي إللي بتعمل حاجات ماوردتش قبل كدة النشوز والخروج عن الطبيعي مش إللي بتتعصب زي كل الناس ما بتتعصب مش إللي ترد رد مش لذيذ دي حياة طبيعية إللي فيها منغصات بشرية جاية من نقص البشر”.
تابع: “النشوز ده حاجة تانية خالص ليها علاقة بست لا تُطاق عشرتها خرجت عن المألوف والطبيعي، “واللاتي تخافون نشوزهن فعظوهن واهجروهن في المضاجع”، الموعظة هو التذكير بحب، إدي ضهرك لمراتك في السرير، الموعظة دي قد إيه؟ خدوها العلماء من حديث النبي (ص) “علموا أولادكم الصلاة لسبع واضربوهم عليها لعشر”، وإن كان الحديث ضعيف لكن خدوا منه المعنى، فقالك الموعظة والنصيحة تقعد 3 سنين، طب فيه إنسان سوي في الدنيا لما مراته بتضايقه بيقعد يتكلم في الموضوع 3 سنين واحدة واحدة وبالمحبة؟”.
واصل: “لاشك إن فيه ستات بتعمل تصرفات مش كويسة وبتشتم وممكن تكسر وتمد إيديها دي معصية كبيرة، أقفي مع جوزك وقفة وقوليلوا أنا مش عايزاك تمد إيدك عليا تاني واطلبي إن حد يتدخل من أهله عشان ماتفضحهوش عند أهلك ولو أهله مش هيسدوا يبقى من أهلك واحميه من ذنب ضربك بإنك تعملي وقفة بالرحمة والوضوح بس حافظوا على بعض”.
View this post on Instagram