ملك بدوي: ما أظنش إني ممكن اتحجب!

ملك بدوي: ما أظنش إني ممكن اتحجب!
داليا محسن

تحدثت الفنانة الشابة ملك بدوي، عن موقفها من الحجاب ومواصفات الشخص “التوكسيك”، مؤكدة على أنها ليست في علاقة ارتباط في الوقت الحالي.

قالت “بدوي” خلال لقائها مع “Miniz“، إنها لم تتعرض لضغوطات أسرية لكي تتحجب، مردفة: “أنا مامتي علمتني الصح والغلط، وبتسيب قرارتي ليا، ولكن معرفش إيه اللي هيبقى في المستقبل، ولكن ما أظنش أن عمري هتحجب، بس مابحبش أقول لا”.

أشارت إلى أنها غير مرتبطة في الوقت الحالي، ولكن اختياراتها في الأشخاص جيدة، مضيفة: “أنا مش مرتبطة دلوقتي، بس بحس أن كل اختياراتي كويسة، مابختارش حاجات فيها red flags”. مشيرة إلى أن آخر علاقة ارتباط لها كانت مع شخص من خارج الوسط الفني، وكان شخص هادئا وناجح في عمله ولكن كان هناك اختلافات كثيرة بينهما لم تلاحظها.

نرشح لك: محمد ثروت ساخرا: أتمنى تقديم شخصية “باتمان”

وعن مواصفات الشخص “التوكسيك” بالنسبة لها، قالت إنه يكون شخصا محبا للسيطرة وفرض الرأي، متابعة: “شخص يكون مثلا مش بيشجعني، وبيحطم في طموحي وأحلامي، كداب، لو مفيش ثقة فأنا مش عايزة العلاقة دي، في بنات بتحب الراجل اللي كارفلها، لأ أنا بالنسبالي أنا بحبك فبالتالي مستنية منك تقدرني وتحس بيا”.

أكدت على أنها لا تفكر في الارتباط حاليا لأنها لا تستطيع تخيل حياتها بأكملها مع شخص واحد لأنها فكرة مرعبة، مضيفة: “مش قادرة أتخيل حياتي مع شخص واحد، فكرة مرعبة جدا، في يوم من الأيام كنت البنت اللي عايزة تتجوز، وأعيش حياتي مع حب عمري بقى وكدا، لكن حاليا أنا مش مع حد، ومش هدور على حاجة لما تيجي تيجي، أنا مش متهورة في علاقاتي بتشد للصفات الكويسة، وبيعجبني أوى الشخص المثقف الحقيقي، ومش بحب الولاد اللي بتتكلم كتير بيعصبني”.

يذكر أن ملك بدوي شاركت في رمضان 2022، بمسلسل “أحلام سعيدة” بطولة يسرا وغادة عادل ومي كساب وشيماء سيف، تأليف هالة خليل، وإخراج عمرو عرفة.