بعد هزيمة الزمالك.. عمرو أديب: الهلال يستحق كأس لوسيل
علق الإعلامي عمرو أديب على هزيمة نادي الزمالك أمام نادي الهلال، بكأس سوبر لوسيل بسبب ضربات الترجيح.
قال “أديب” خلال حلقة أمس الجمعة من برنامج “الحكاية”، المذاع عبر شاشة “mbc مصر”: “كان في تسليم إنه عادي وإن هنروح ناخد المليون دولار ونرجع يعني كلام مينفعش إنك تحفز بيه فريق، تحفيز الفرق إنك تلعب وتحط مجهود وأنا رأيي إن فيريرا النهاردة مكنش في أحسن أحواله.. ألف مبروك للهلال بصراحة يستحقوا المباراة”.
نرشح لك: بالصور.. عمرو دياب يشعل حفل افتتاح ستاد “لوسيل”
أضاف: “زيزو مايضيعش غير في الماتشات دي؟ مش ممكن غريبة جدا، بس على فكرة طول الماتش الإشارات اللي بين اللعيبة إيجابية، وبصراحة لازم أعترف إن الاستاد بتاع أخواتنا القطريين مبهر، والتنظيم عبقري، حاجة مشرفة جدا”.
أردف: “الزمالك لا يستحق الكاس والمليون دولار، مش دي طريقة إنك تلعب عشان تاخد بطولة أو عشان تاخد كاس، الزمالك لم يكن موفقا اليوم إطلاقا، واللعيبة مش في فورمتها الطبيعية، لكن نادي الهلال لعبوا بطريقة تثبت إنهم عاوزين يكسبوا، لأن ثقافة الفوز مهمة”.