إنجي وجدان لـ شيرين عبد الوهاب: أنتي ست قوية
شروق عبد الحميد
أعربت الفنانة إنجي وجدان، عن غضبها من التنمر الذي تعرضت له الفنانة شيرين عبد الوهاب من قبل المجهور، وانتقدت التعليقات السلبية التي وجهت إلى “عبد الوهاب” في الفترة الأخيرة بسبب زيادة وزنها.
نرشح لك: ويجز لمنتقديه: اتبسطوا وسيبوني اتبسط
نشرت “وجدان”، عبر حسابها الرسمي على موقع تبادل الصور والفيديوهات “إنستجرام” مقطع فيديو أعربت فيه عن غضبها قائلة: “أنا بقالي كام يوم متابعة الكلام اللي بيتكتب ويتقال على شيرين عبد الوهاب، من فضلكم لازم نهدى شوية لأن موضوع التنمر ده بقا كتير أوي ومش لذيذ وجارح”.
تابعت: “شيرين شخصية قوية جدا واللي هي بتعمله ده يدل قد إيه هي قوية، بس طبيعي جدا بالظروف اللي هي مرت بيها يبقى فيه مشاكل وهي بتمر بحاجة مش سهلة، 90% من الستات في مصر بيمروا بحاجات شبه كده، مين قال إن الستات مش من حقها تتخن أو تخس أو تتطلق أو تكتئب؟”
أضافت: “أنا مش المحامية بتاعة الناس التخان أو اللي تخنوا أو اللي بيخسوا، بس أنا بتضايق لأن الستات طول الوقت تحت ضغط مرعب، لازم تبقى واخدة بالها من شكلها وشعرها ومكياجها ولبسها، وتاخد بالها من عيالها وجوزها علشان ميخونهاش أو يتجوز واحدة تانية، إيه فيه إيه؟! طول الوقت مقارنات والموضوع بقى متعب نفسيا ومرهق ذهنيا وجسمانيا”.
اختتمت إنجي وجدان حديثها بتوجيه رسالة للفنانة شيرين عبد الوهاب قالت فيها: ” أتمنى يا شيرين أنك ما تقريش كومنتات سلبية وتفضلي مكملة على اللي انتِ فيه ده وأنك بتحاولي تقفي على رجلك، أنتِ بتعملي حاجة ناس كتير مش قادرة تعملها ومنهم أنا، أنا عندي اكتئاب وواخدة وقتي عشان أرجع وأقوم نفسي، أنتِ ست قوية وأنا بحبك وأنا عارفة ومتأكدة أن كل الفانز بتوعك بيحبوكي ونفسهم ترجعي بقوتك وتفضلي في مكانك لأن أنتِ مكانك عالي جدا جدا، وطز في أي حد مش عاجبه، بحبك يا شيرين”.
View this post on Instagram
يذكر أن آخر أعمال الفنانة إنجي وجدان هي مسرحية “كوكو شانيل”، من بطولة شيريهان، سمر مرسي، هاني عادل، تامر حبيب وغيرهم نخبة من نجوم الفن، وهي من إخراج هادي الباجوري، وتأليف مدحت العدل.