غادة رجب تروي موقفا مؤثرا مع دلال عبد العزيز ورجاء الجداوي وميرفت أمين

تحدثت الفنانة غادة رجب عن مواقف مؤثرة جمعتها بالفنانتين الراحلتين دلال عبد العزيز ورجاء الجداوي، موضحة قوة العلاقة التي جمعتهم.

قالت “رجب” خلال لقائها مع الإعلامي عمرو أديب في برنامج “الحكاية”، المذاع عبر شاشة “mbc مصر”: “هي عملتلي حاجات كبيرة أوي ومن القلب أوي، كانوا خارجين معايا بالبخور يوم فرحي، ودلال كانت بترقيني وأنا عروسة، وفي حفلاتي في الأوبرا لما كانوا بيحضروها.. وميرفت أمين كانت بتعيط وهي بتقول لعبدالله جوزي أنا بوصيك دي بنتي”.

نرشح لك: غادة رجب: كرست حياتي لابنتي

أضافت: “الناس دي متتعوضش، وأنا اتعلمت منهم يعني إيه صداقة وإخلاص ويعني إيه واجب.. مبقاش في كده، الناس كانوا بيستغربوا إن دايما خروجاتي معاهم، لأننا مش نفس الجيل، بس أنا كنت بحس إني أصغر منهم.. وكان في إحساس بالأمان معاهم ملقيتوش مع حد”.

أردفت: “لو مكنتش أخرج معاهم كانت دلال تهزقني، وكانت تهزر وتقولي إنتي معوجة ليه ما تيجي”.

في سياق منفصل، تحدثت الفنانة غادة رجب عن سبب غيابها الفني في الفترة الأخيرة، مبررة ذلك جزئيا بسبب انشغالها بتربية ابنتها ليلى.

وأوضحت: “الأطفال بياخدونا من الفن طبعا، بس بالنسبالي الوضع استثنائي لأن من قبل ما أتجوز وهما بيقولولي إنتي مختفية، مكنتش مغرقة الدنيا أعمال يعني.. كنت بطلع في حاجات معينة اللي بتعجبني وبحس إنها هتضيف ليا، وأنا زي ما أنا ولما بيجيلي حاجة بعملها بكل سعادة، لكن الأولوية لبنتي”.