خبر

حمو بيكا: “أي حد هيكتب عني خبر مفبرك هاخد ضده إجراء قانوني”

قال مطرب المهرجانات حمو بيكا، إن الخبر المنتشر حول قوله لضابط “أنت متعرفش أنا مين”، خبر قديم والهدف منه تشويه صورته، موضحا أنه سيتخذ الإجراءات القانونية في حال نشر أخبار مفبركة عنه.

كتب “بيكا” عبر حسابه الرسمي على موقع التواصل الاجتماعي “فيس بوك”: “الموضوع ده قديم علشان أنتوا عاوزين تشوهوا صورتي بأي طريقة.. يا ريت يا جماعة قبل ما نمشي ورا تزييف نعرف الحقيقية فين ونكون وراها.. مش أي حد يشوف أي حاجة يجري وراها كده وخلاص، مش معني أن حصل موقف مع أي حد مننا نصور ونشير على كل الصفحات”.

نرشح لك: خلاف بين حمو بيكا وسكرتير نقابة المهن الموسيقية على الهواء

أضاف: “أنتوا ليه بتحبوا اللي يضللكم؟ بتحبوا تشويه صورة الناس وخلاص، مين فينا معصوم من الغلط؟ أظن مفيش حد عشان كل بني آدم خطاء، فيا ريت محدش يزييف الكلام ونعرف الحقيقية فين، وأي حد هيكتب عني خبر مفبرك هاخد إجراء قانوني ضده بدون تفكير”.

وفي سياق آخر كان مطرب المهرجانات حمو بيكا، قد قال إنه تعب كثيرا في حياته حتى يصل إلى ما وصل إليه الآن، موجها نصيحة للشباب بأن يعملوا بجهد حتى يصلوا إلى ما يريدون.

نشر “بيكا” عبر حسابه الرسمي على موقع التواصل الاجتماعي “فيس بوك” صورة قديمة له أثناء عمله سائق وكتب: “الشغل مش عيب، العيب أنك تداري الماضي بتاعك والمفروض تفتخر بيه، اللي في الصورة ده شقي وتعب سنين السنين عشان يوصل للي هو فيه دلوقتي”.

أضاف: “راضي الحمد لله بكل حاجة في حياتي، ونصيحة مني لكل الشباب في الوطن العربي اتعب وأشتغل أي حاجة وأصرف على الحاجة اللي بتحبها عشان هتوصل للي انت عايزه، وربنا هيكرمك بيه، وتعبت جدا في مسيرتي عشان أوصل للي وصلت له دلوقتي”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock