خالد الجندي لعلماء الدين: يجب التفكير في القضايا الشائكة قبل الحديث عنها

قال الشيخ خالد الجندي، إن هناك مواضيع شائكة أصبح كل داعية عليه التفكير قبل الحديث عنها، كقضايا المرأة وقانون الأحوال الشخصية، والتحذير من الدجل والسحر.

تابع “الجندي”، خلال حلقة اليوم الأربعاء من برنامج “لعلهم يفقهون“، المذاع عبر شاشة “dmc”: “بقينا بنقول للعلماء، هتقول الفتوى بتاعتك هتلاقي ناس بتشتمك وتقع في عرضك.. هتتحمل؟ أهلا وسهلا بيك معانا، مش هتتحمل وتنهار؟ خليك قاعد تقول للناس مواعظ ويغمى عليك، والناس تقول عليك ده شيخ كيوت ولذيذ”.

نرشح لك: خالد الجندي: أحيانا ربنا بيسيب الواحد مظلوم ابتلاءا له

 

أضاف: “دي مش سكتك.. سكتك إنك تدافع عن وطنك، وتنتمي لبلدك، وتحذر الناس من إنها تنخدع من النصابين اللي بيشيعوا بين الناس السحر والأعمال، وهتتحمل أذاهم ولا لأ؟ لو مش هتتحمل متفتحش الموضوع ده”.

أردف: “عندك استعداد تدخل في قضايا المرأة وتصحيح قانون الأحوال الشخصية وإسقاط أكذوبة الطلاق الشفوي؟ وهتتحمل طولة اللسان والنتائج؟ الله يكون في عونك.. إنما لو معندكش استعداد، الضعفاء يمتنعون”.

في سياق منفصل، كان الشيخ خالد الجندي، قال إن كثيرا من الناس يرددون كلمة كما تدين تدان، ولكن سلوكهم الواقعي لا يدل قولهم.

تابع “الجندي”، خلال برنامج “لعلهم يفقهون”، عبر شاشة “dmc”، إذا علم كل شخص أن أي أذى يرتكبه في حق غيره سيُرد له سواء بالفعل أو بالقول لن يفعله، مضيفا: “الواحد فاكر كلمة كما تدين تدان في العقوبات بس لكن في الحقيقة هي بردو موجودة في فعل الخير زي مثلا إنك تحترم أبوك وأنت صغير عشان ربنا يبعتلك اللي يحترمك لما تكبر“.

أردف أن الله عز وجل لا يظلم أي شخص في الدنيا أو الآخرة، مشيراً: “ممكن حد يظلمك في الدنيا ومتعرفش تاخد حقك منه، هو مش هينفد بعملته لكن أنت ممكن ما تشوفش هزيمته لأن أحيانا ربنا بيسيب الواحد مظلوم ابتلاءا له“.