غادة نافع: "مينفعش البنت تعمل اللي عايزاه!"
انتقدت غادة إيهاب نافع ابنة الفنانة الراحلة ماجدة، بعض تصرفات سكان الساحل الشمالي من حيث التباهي بارتداء ملابس ذات الماركات العالمية.
قالت “نافع” خلال مداخلة هاتفية لبرنامج “هي وهما” الذي تقدمه أميرة عبيد على قناة “الحدث اليوم”: “أنا اتربيت دايما على إني أقول الحمد لله على اللي عندي ومش شرط اللبس الحلو يبقى ماركة، ممكن ألبس حاجات بسيطة جدا وتكون أشيك من ماركات كبيرة”.
نرشح لك: محمد رياض: عبلة كامل ممثلة لها طابع خاص
تابعت: “المسألة ملهاش علاقة بالفلوس لازم أحمد ربنا على كل نعمه، لازم نربي ولادنا على الحمد لله”.
في سياق آخر، قالت: “معنديش حاجة أسمها الست زي الراجل، الراجل لازم يبقى ليه كلمة وياخد وضعه ومفيش بنت تعمل اللي هي عايزاه، وتخرج زي ما هي عايزة وتيجي وقت ما هي عايزة”.
أردفت: “فخورة إني دقة قديمة.. لازم ناخد بالنا من ولادنا ونوجهم ومتسبوش ولادكم لحد تاني ويعرفوا قيمة الجنيه”.