أحمد سعد عن عمرو سعد: أنا من مريدينه

تحدث الفنان أحمد سعد عن علاقته بشقيقه الفنان عمرو سعد، موضحا أنه يحبه كثيرا ويتأثر به فنيا وشخصيا.

قال سعد في لقاء مع ET بالعربي: “شهادتي في عمرو سعد مجروحة بس أنا من مريدينه، يعني بحبه، بحبه بقا فنيا وشخصيا.. أخ مش أخ أي حاجة بس أنا بحبه، وأكيد دايما بتأثر بيه في حياتي العادية، هو دايما بيقولى أعمل غنا بشكل جديد مطرقع.. فأنا عملتها أهو في أغنية “وسع وسع”؛ لو حصلي أي حاجة يبقى انت خلاص مش عايز أعرفك تاني”.

نرشح لك: كلمات.. أغنية “وسع وسع” لـ أحمد سعد

وقبل أيام، طرح الفنان أحمد سعد، أحدث أغنياته “وسع وسع”، اليوم، عبر قناته الرسمية على موقع “يوتيوب”.

“وسع وسع” كلمات مصطفى حدوتة، ألحان وميكس وماستر إيهاب كلوبيكس، إنتاج مزيكا.

وجاءت بعض من كلمات الأغنية كالتالي:

شوف أنت عامل إيه وأنا عامل إيه
شوف أنت قد إيه وأنا قد إيه
شوف أنت أصلك إيه وأنا أصلي إيه
ده اللي أنت فرحت بيه أنا متعود عليه
أنا اللي ليك أمان وعارف من زمان
من غيري تعمل إيه هتبوظ أكتر كمان
تفضل مشغول بحالي بالمكسب اللي جالي
واللي من مخي واقع هتموت وتلاقيه

وسع وسع.. وسع وسع
وسع وسع.. وسع وسع

مين اللي جاي استنى دوره جاي
أهلا باللي عايز سيبوه أنا عايزه حي
مين اللي جاي استنى دوره جاي
أهلا باللي عايز سيبوه أنا عايزه حي

شوف أنت جاي منين وأنا جاي منين
شوف أنت روحت فين وأنا روحت فين
شوف أنت تبقي مين وأنا أبقى مين
ده اللي عملته في حياتك عملته أنا في يومين

أنا اللي ليك أمان وعارف من زمان
من غيري تعمل إيه هتبوظ أكتر كمان
تفضل مشغول بحالي بالمكسب اللي جالي
واللي من مخي واقع هتموت وتلاقيه

وسع وسع.. وسع وسع..

لو كانت بالكلام أنا أسمعك الكلام
شوف أنت نمرة كام والكام منك بكام
أنا من غيرك تمام بس أنتا مش تمام
مش رأيي فيك لوحدي يا حبيبي ده رأي عام
لو كانت بالحظوظ الدنيا كانت تبوظ
يجوز أو لا يجوز هتمشي زي أما أعوز
أثبت واستنى عندك أنا اللي ليا عندك
لو واخد حاجة منك تعالي وخدها جوز