أحمد سعد عن أغنيته "وسع وسع": مقصدش حد بعينه
قال الفنان أحمد سعد إن أغنيته “وسع وسع” تعبر عن مفهوم التحدي الذي يفضله أغلب الناس، موضحا أن عنوان الأغنية غير موجه لشخص بعينه.
قال سعد في لقاء مع ET بالعربي: “هي أغنية الناس بتحب الشكل ده التحدي وإنك تقول وسع وسع.. بس أنا يعني مش قصدي حد بعينه”.
نرشح لك: كلمات.. أغنية “وسع وسع” لـ أحمد سعد
أضاف أن الأغنية تعتبر لون غنائي جديد عليه ينتمي لنوعية الراب والتراب، مشيرا إلى أن غنائه لها جاء بهدف تقديم مزيكا جديدة بشكل مختلف يضعه في قالب غير تقليدي، مستطردا أن التنوع في الأغنية أيضا موجود في إطلالاته المتعددة خلال فيديو الكليب الخاص بها.
أردف: “بحب أعمل ألوان غنا كتير.. أعمل شعبي ودراما وحب ورومانسية وأغاني ستايل للشباب.. دي كلها أغاني الحمد لله بفضل ربنا لاقت استحسان من الناس وعجبتهم”.
وقبل أيام، طرح الفنان أحمد سعد، أحدث أغنياته “وسع وسع”، اليوم، عبر قناته الرسمية على موقع “يوتيوب”.
“وسع وسع” كلمات مصطفى حدوتة، ألحان وميكس وماستر إيهاب كلوبيكس، إنتاج مزيكا.
وجاءت بعض من كلمات الأغنية كالتالي:
شوف أنت عامل إيه وأنا عامل إيه
شوف أنت قد إيه وأنا قد إيه
شوف أنت أصلك إيه وأنا أصلي إيه
ده اللي أنت فرحت بيه أنا متعود عليه
أنا اللي ليك أمان وعارف من زمان
من غيري تعمل إيه هتبوظ أكتر كمان
تفضل مشغول بحالي بالمكسب اللي جالي
واللي من مخي واقع هتموت وتلاقيه
وسع وسع.. وسع وسع
وسع وسع.. وسع وسع
مين اللي جاي استنى دوره جاي
أهلا باللي عايز سيبوه أنا عايزه حي
مين اللي جاي استنى دوره جاي
أهلا باللي عايز سيبوه أنا عايزه حي
شوف أنت جاي منين وأنا جاي منين
شوف أنت روحت فين وأنا روحت فين
شوف أنت تبقي مين وأنا أبقى مين
ده اللي عملته في حياتك عملته أنا في يومين
أنا اللي ليك أمان وعارف من زمان
من غيري تعمل إيه هتبوظ أكتر كمان
تفضل مشغول بحالي بالمكسب اللي جالي
واللي من مخي واقع هتموت وتلاقيه
وسع وسع.. وسع وسع..
لو كانت بالكلام أنا أسمعك الكلام
شوف أنت نمرة كام والكام منك بكام
أنا من غيرك تمام بس أنتا مش تمام
مش رأيي فيك لوحدي يا حبيبي ده رأي عام
لو كانت بالحظوظ الدنيا كانت تبوظ
يجوز أو لا يجوز هتمشي زي أما أعوز
أثبت واستنى عندك أنا اللي ليا عندك
لو واخد حاجة منك تعالي وخدها جوز