شاشة

حلمي عبد الباقي يتقدم ببلاغ للنائب العام بسبب عودة “شاكوش” للنقابة

أعلن حلمي عبد الباقي عضو مجلس إدارة نقابة المهن الموسيقية، عن تقدمه ببلاغ للنائب العام بسبب التلاعب بأَوراق قرار عودة مغني المهرجانات حسن شاكوش، ومنحة الأذن بالغناء دون موافقة أعضاء النقابة.

قال “عبد الباقي” خلال بث مباشر أجراه عبر حسابه الرسمي على موقع التواصل الاجتماعي “فيس بوك”: “النهاردة أنا بعمل فيديو علشان أطلعكم على كل جديد وأقولكم اللي حصل، أنا كنت في النقابة وكنت قاعد في مكتبي بخلص شغلي ونزلت للأستاذ سعد متولي، وقولت له أديني الورقة اللي أنا ماضي عليها.. الراجل قالي اتفضل الورقة اللي أنت مضيت عليها، مكتوب فوق الرأي القانوني، يعني معنى ذلك لا قرار عودة شاكوش ولا غير شاكوش”.

نرشح لك: مطرب الاعتذارات.. حسن شاكوش المطرب الأكثر اعتذارا

أضاف حلمي عبد الباقي: “أنا لما مسكت الورقة قلت له أنا لما جيت أمضي كان بتاع خمس أو ست أسطر وسألته إيه كل ده؟ إيه البروباجندا دي كلها؟ أنتوا زودتوا كلام ودي مكتوبة بخط الأيد”.

تابع: “أنا واثق أن الكلام اتزود وحتى لما اتزود لم يذكر عودة شاكوش.. لما قلبت الورقة لقيت مكتوب بالكمبيوتر حسن شاكوش.. يا أستاذ سعد الورقة دي كانت فين مورتهاش لينا ليه؟ أنا وأخواتي في المجلس اتمضينا كده، الورقة اتحطت في الدوسيه ومضينا على الرأي القانوني اللي بيقول الأبداع وغيره”.

أشار: “أنا وريتكم بالأثبات العملي وسوف أتقدم ببلاغ للنائب العام للتحقيق في الواقعة.. في واحد قال حلمي أول واحد ماضي، أنا اسمي آخر واحد، وياريت أكون وصلت المعلومة، أنا مش هاسكت على تغفيلي وتغفيل كل الناس اللي مضت تقريباً في ما عدا قلة عشان مظلمش حد”.

لمشاهدة الفيديو اضغط هنا

 

تامر نبيل يتحدث عن مشاركته في “كيرة والجن” و “منعطف خطر”

 

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock