أول رد من نيللي كريم على بيان الأزهر الشريف

محمد هيثم نيللي كريم 

قالت الفنانة نيللي كريم، إن مسلسل “فاتن أمل حربي”، ليس به استهزاء بآيات القرآن الكريم، أو ازدراء للأديان، موضحة أن مواقع التواصل الاجتماعي هي السبب في هذا الجدل.

أوضحت “كريم” خلال حوارها مع “ET بالعربي“: “مفيش استهزاء خالص، للأسف السوشيال ميديا حد بيقول حاجة حد تاني بيرد دا قالوا كذا وقالوا كذا، أنتي لو اتفرجتي مش هتحسي بده، مفيش حاجة من الكلام ده”.

نرشح لك: كريم فهمي: اتهام السبكي بإفساد الذوق العام.. ظلم

أضافت: “الهوجة قامت في الحلقة الأولى، وسألته ربنا قال كده هل ده كلام ربنا، الجملة دي أنت بتشرح لحد حاجة حد عايز يستفسر، السؤال مش حرام.. اللي يخصني دوري وشغلي مع المخرج من الناحية الفنية، الناحية السياسية والقانونية في مراجعين للمسلسل لو حد عنده حاجة عايز يناقشها يناقشها مع الناس اللي راجعت واشتغلت، أنا مبدخلش في حوارات دي مش لعبتي ولا قصتي”.

أردفت: “بعض الناس إبراهيم عيسى مشكلة بالنسبة لهم، الدكتور سعد الدين الهلالي، هو اللي مراجع المسلسل حرف حرف، وفي بيان نزل أن هو مسؤل عن كل حرف في المسلسل”.

مواعيد عرض مسلسل فاتن أمل حربي

قناة cbc: الساعة 7:35 مساء
الإعادة: 12:40 صباحًا – 10:15 صباحًا
قناة دبي: 7 مساءً
الإعادة: 5 صباحًا

قصة مسلسل فاتن أمل حربي

تخوض الفنانة نيللي كريم تجربة جديدة، حيث تدور أحداث العمل حول قضايا الزواج وقضايا الأسرة، وما يدور خلف أروقة المحاكم.

أبطال مسلسل فاتن أمل حربي

المسلسل من بطولة، نيللي كريم، وشريف سلامة، وهالة صدقي، وخالد سرحان، ومحمد الشرنوبي، ومحمد ثروت، وجيلان علاء، وفادية عبدالغني، وآخرين، ومن إخراج ماندو العدل، وتأليف إبراهيم عيسى، وإنتاج العدل جروب.

نيللي كريم