محمد سليمان: جوزت بنتي بالطريقة الإسلامية

سالي فراج

قال الفنان محمد سليمان، إنه زوج ابنته بالطريقة الإسلامية، لافتا إلى أنه ضد القيود التي يضعها المجتمع من عادات وتقاليد.

أضاف “سليمان” خلال لقائه اليوم، ببرنامج راجل و2 ستات، مع كلا من الإعلامية شريهان أبو الحسن، والإعلامية هيدي كرم، على شاشة “on”، قائلا: “أنا مبحبش أتكلم في مواضيع مش مفهومة، أنا واحد زائد واحد يساوي إتنين، مكنش فيه مؤخر، والكلام دا كله، أنا جوزتها بالطريقة الإسلامية”.

أشار إلى أنه لا يهمه من والد العريس، ولا يهمه هل لديه ثروة أم لا؟، حيث قال: “أنا ببص للولد نفسه، ميهمنيش مين أبوه، عنده فلوس أو معندوش فلوس.. الولد متربي ولا لا هو ده اللي هيفرق في حياته مع بنتي”.

أردف: “هو ممكن يجيي لها كل اللي هي عايزاه في الحياة، بس هو إنسان مش كويس، إيه الفايدة في كدة؟، الحسب، والنسب، والعادات والتقاليد إللي إحنا بنفكر فيها مش بتخدم أولادنا، قد ما هي بتبقى قيود وأحمال فوق كتافهم”.