محمد الباز: نمط استهلاكنا في رمضان منافي لتعاليم الدين
محمد هيثم
قال الإعلامي محمد الباز، إن نمط استهلاك الناس في شهر رمضان ينافي تعاليم الدين، موضحًا أن من حكم الصيام هو الشعور بالفقير والمحتاج.
تابع “الباز” خلال حلقة اليوم من برنامج “آخر النهار” المذاع على شاشة “النهار”، أنه من الضرورة مراجعة نمط استهلاك الناس في شهر رمضان، لافتا إلى أن شهر رمضان من أكثر الشهور التي يستهلك الناس بها الطعام.
نرشح لك: توحيدا للجهود التنموية.. توقيع ميثاق التحالف الوطني للعمل الأهلي التنموي
أضاف: “فقير ومحتاج إيه اللي أنت تشعر بيه وأنت بتقعد تأكل من الفطار للسحور! فين الصلاة والصيام والقيام والإحساس بالفقراء، بقى من الثابت عندنا أن شهر رمضان من أكثر الشهور اللي الناس بيستهلكوا فيها الأكل.. المفروض يتغير نمط استهلاكنا فيتحول من أكثر شهر استهلاكا إلى أقل الشهور استهلاكا”.
أوضح: “ولا هي الحكاية منظرة الناس بتتمنظر بالأكل والشرب، وده مش عشان موجة الغلاء ده عشان الناس تتعلم اللي أنت مش محتاجه متجيبوش، إنما الهدر ده يقصر في اقتصاد بلد واقتصاد بيت، أعرف ناس بتستلف عشان تجيب حاجات رمضان ويقولك هو رمضان ينفع من غير ياميش.. آه والله ينفع”.
أردف: “هو أنت لو مجبتش الأكل المتنوع والحلويات الكتير دي على السفرة هيقولولك أنت ناقص رمضان، ومحدش يقول أصل أنتوا مش حاسين بالناس، لا يا أخويا إحنا موجودين مع الناس.. هو الدين حض على أنك تأكل كتير ولا تبقى معتدل”.
