أمينة راثية والدها: لو كنت موجود كنت شلت جزمتك على راسي
شاركت الفنانة أمينة، الجمهور برسالة مؤثرة رثت من خلالها والدها، مطالبة إياهم بالدعاء له بالرحمة.
كتبت “أمينة” في التدوينة التي نشرتها من خلال خاصية القصص القصيرة عبر حسابها الشخصي على موقع “إنستجرام” الآتي: “ياه يا أبويا لو كنت موجود كنت شلت جزمتك على راسي الله يرحمك ويحسن إليك، كفاية إنك ربتنا بنحب بعض بسم الله ما شاء الله، وأقولك حاجة يا بابا أحسن حاجة إنك ما سيبتلناش ورث غير الطيبة والحنية والإحساس ألا الإحساس ده نعمة مش عند كل الناس والحمد لله سابه وبزيادة، الله يرحمك يا أحن وأطيب أب أبويا الله يرحمه، كان دمه زي العسل وكوميديان بس ما مثلش كنت وأنا صغيرة اقوله هو انت ليه ما بتطلعش في التليفزيون أصلك بتضحكني أوي كنت صغيرة ساعتها مش فاهمة وهو يا حبيبي يقولي أصل أنا بروح الشغل، أبويا كان في القوات البحرية، لما حد وأنا صغيره يقولي أبوكي بيشتغل ايه أقوله أبويا بيحارب أهو أي كلام مانا كنت صغيرة وياريت فضلت صغيرة وما كبرتش وهو وأمي وأختي يتوفوا ويسيبوني أكبر ميت سنة على عمري، الله يرحمكم ويحسن إليكم یا حبايبي أرجو الدعاء لهم ولكل من رحلو”.
نرشح لك: شاهد: بكاء أمينة بسبب أبنائها
كانت أمينة، قد كشفت في وقت سابق، عن تفكيرها بشكل يومي اعتزال الفن، والتفرغ لولديها يوسف وعمر، من شدة حبها لهما، حيث قالت خلال برنامج “حبر سري” مع الإعلامية أسما إبراهيم على قناة “القاهرة والناس”: “كل يوم بفكر إني مش عايزة لا فلوس ولا شغل ولا حاجة بيجي عليا وقت حتى وأنا نازلة للشغل بحس إن في حاجة مفقودة، لأن اليوم اللي باخده أجازة عشان أذاكرلهم، وأرص كتبهم قدامي، واهتم بيهم بحس ساعتها بس إني أم”.
أضافت أمينة متأثرة من حديثها حد البكاء، أنها تحبهما لدرجة كبيرة، لا يتخيلها أحد، لافتة إلى أن الموضوع لا يتعلق بوجودها في المنزل وعدم عملها، ولكن هي الفكرة فكرة حب الأم وتأثيرها على أبنائها.
