بعد منع الغناء بالفلاشة.. دياب: اللي مبيعرفش يغني يشوف شغلانه شريفة

نورهان عبد الرحمن

أيد الفنان “دياب” قرار منع الغناء في الحفلات بالفلاشة، معتبرًا إنه سبب منع الموسيقيين من العمل

قال “دياب” خلال استضافته بحلقة اليوم من برنامج “الحكاية” مع الإعلامي عمرو أديب المذاع على شاشة “MBC مصر” إن قرار منع الغناء في الحفلات بالفلاشة هو قرار عظيم، موضحاً أن هذا القرار أنصف الموسيقيين وأن استخدام الفلاشة في الغناء أثر على فرص عملهم عن طريق تواجدهم في الحفلات والأفراح.

نرشح لك: دياب ينتقد “نرجسية” أغاني الراب والمهرجانات

وأوضح أن عدد المطربين كنسبة وتناسب مع عددٍ الموسيقيين أصبح قليل جدا، وأن في السابق كان الموسيقي يعمل مع عدد كبير من الناس، إذا أن عدد الأفراح كان كبيرا قبل وجود الـ دي جي.

تابع: “دلوقتي الشغل قل جدا، فكمان الناس هتطلع تغني على فلاشة حرام يعني، خلي الموسيقيين تشتغل وتأكل عيش، وخلي اللي بيغني يعرف يغني، واللي مبيعرفش يشوفله شغلانه شريفة”.

وفي سياق متصل قال إن الفلاشة تجعل أي شخص يستطيع الغناء حتى إن لم يملك موهبة الغناء، مضيفا: “بيخلي (المج) ده يغني، اللي بيقول بيقول نشاذ وبيتظبط بالـ الأوتوتيون وبقى فيه برامج كتير أوي بتظبط صوت أي حد بيغني فـ أنا آسف إني بقول بيغني”.

وأشار إلى أن الصوت صوت الشخص، ولكن تم التعديل عليه وتصليحه حتى يطلع صافي وقوي، والشخص بيعمل بلاي باك ويعمل أداء على الصوت الصادر من الفلاشة.

أردف “دياب” أن الناس لا تذهب للحفلات إلا للرقص والاستمتاع ووصفهم بإنهم يسمعون بوسطهم.

واختتم حديثه قائلاً: “مفيش غنا خالص، هو بيحرك فمه رسمي، والناس اللي بترقص عارفين وفاهمين، وأكيد الجودة دي مش جودة صوته وهو واقف بيغني على المسرح، لكن مفيش غنا ومفيش سلطنه ومفيش أي حاجة”.

 

View this post on Instagram

 

A post shared by الحكاية (@elhekayashow)