ساندي عن سمكري البني آدمين: حذرت منه ومحدش انتبه

بسملة سعودي
سمكري البني آدمين
تحدثت الفنانة ساندي، عن تجربتها مع “سمكري البني آدمين” والتي يعود تاريخها لعام 2019، وكشفت علاقته بتعرضها للإصابة في الغضروف، وخضوعها للعلاج لمدة سنتين نتيجة هذه الإصابة.

قالت “ساندي”، خلال مداخلة هاتفية لها مع الإعلامي عمرو أديب ببرنامج “الحكاية” على شاشة mbc مصر، أنه شخص نصاب وليس طبيبا أو دارسا للمهنة قائلة: “سألت كل اللي راحوا منهم كريم فهمي، وأسماء جلال، قالولي ده دكتور وأخد جوائز كتيرة، وأخد كورسات بره، دي عدة النصب بتاعته يعني”.

نرشح لك: أمير كرارة يتبرأ من الترويج لـ “سمكري البني آدمين”

تابعت: “روحتله بالأشعة بتاعتي، وقولتله متعمليش الطرقعة دي عشان أنا قرأت إن ده غلط في حالتي وأنا لسوء حظي شخص مثقف، قالي مين قالك كدة لأ بالعكس، ده على حسب التكنيك، وأنا من ثقته قلت خلاص أكيد مش هيودي نفسه في داهية”.

استكملت: “كان عندي مهرجان الجونة السينمائي، روحت وفجاة وقعت من طولي وروحت المستشفى هناك، وعملت رنين مغناطيسي لقيت الدكتور بيقولي ده الغضروف داخل في النخاع الشوكي كان هيقطعه، كان ممكن يجبلك شلل رباعي”.

أضافت: “روحت كلمته قولتله إنت عملتلي مشكلة أنا هفضل عايشة بيها طول حياتي، دي إعاقة، قالي إهدي بس وأنا هعالجك على حسابي وأرجوكي متعمليش ليا مشكلة، قولتله أنا هطلع أحذر الناس منك وفعلا عملت كدة ولكن محدش انتبهلي خالص إعلاميا وقتها”.

يشار إلى أن الأجهزة الأمنية كانت قد ألقت القبض على سمكري البني آدمين، وحبسه 15 يوما على ذمة التحقيقات بعدما تبين تزويره للبطاقة الشخصية ولشهادته الجامعية ومزاولته لمهنة العلاج الطبيعي بدون تصريح.