سليم مصطفى عن مشاهد البكاء في "ليه لأ 2": مكنتش بعيط بجد

بسملة سعودي

كشف الطفل سليم مصطفى عن كواليس مشاركتها في مسلسل “ليه لأ 2” وتجسيده شخصية “يونس”، وقال: “أستاذة ريم كانت بتقرأ لي السيناريو”.

تابع “مصطفى” خلال لقائه مع برنامج “صاحبة السعادة” مساء الاثنين، المذاع على شاشة dmc وتقدمه الفنانة إسعاد يونس: “بس ساعات أستاذة ريم مش بتبقي موجودة، بتعمل مسلسل تاني بتدرب ناس تانية على مسلسل تاني فبتمشي ومريم بقى بتمرني مكانها، مثلت معاها في دور ماما لبنى”.

نرشح لك: “كاميرا”.. هدية إسعاد يونس للطفل “سليم”

استكمل: “ساعات بيبقى فيه إجازة وساعات لأ، يعني أيام بنصور فيها بس ساعات طويلة بيبقى فيها تعب، وساعات بنعمل مشاهد كتيرة يعني مش بنعمل صح فبنعيدها تاني”.

أوضح أن ما ما حدث كان تمثيل، وذكر مشاهد استقلاله عدة مواصلات، مؤكدا أن الأمر لم يكن حقيقة وإنما تمثيل لذلك لم يكن صعبا، وعن بكاءه أثناء المشاهد الدرامية، قال: “مكنتش بعيط بجد، مفيش ولا حاجة كانت حقيقة، يعني كل ده تمثيل”.

يذكر أن الطفل سليم مصطفى جسد شخصية يونس في الجزء الثاني من مسلسل “ليه لأ” من بطولة منة شلبي وأحمد حاتم ومراد مكرم، ومن تأليف ورشة سرد تحت إشراف السيناريست مريم نعوم، ‏وفكرة سيناريو وحوار دينا نجم، وشارك في كتابة الحلقات سلمى عبد الوهاب و راجية حسن.

موضة السفر إلى ألبانيا.. ما القصة؟