منبسطش في حياتي.. فيفي عبده: أتمنى من الله إني اتدلع
وجهت الفنانة فيفي عبده رسالة إلى جمهورها، وطلبت منهم أن يتمنوا لها أن تحيا حياة سعيدة خلال الفترة المقبلة.
نشرت “عبده” عبر حسابها الشخصي على موقع تبادل الصور والفيديوهات إنستجرام، مقطع فيديو، قالت خلاله: “وحشتوني، وأنا قولتلكوا إن أنا جيت الدنيا دي علشان اتدلع، أتمنى من الله ومن العيون الحلوة إن أنا اتدلع، يارب إذا كان ليا عمر تاني اتدلع فيه يارب إن شاء الله”.
نرشح لك: فيفي عبده عن تعافيها: فاضل حاجة صغيرة وهبقى كويسة
تابعت: “بحبكم جدا، وأتمنى إن أنتوا تدعولي إن أنا أعيش حياة حلوة سعيدة انبسط فيها علشان أنا مانبسطش في حياتي، أنا دلوقتي هبتدي انبسط في حياتي، فأرجوكم ادعولي إن أنا انبسط وأبقى كويسة في حياتي وإن شاء الله يعدي عليا أيام كويسة، عليا وعليكم يارب، بحبكم”.
View this post on Instagram
يذكر أن فيفي عبده، كانت قد أعلنت عن شفائها من الوعكة الصحية التي تعرضت لها خلال الفترة الأخيرة، والتي كانت تتطلب حصولها على جلسات علاج طبيعي.
نشرت “عبده” مقطع فيديو عبر حسابها على موقع تبادل الصور والفيديوهات “إنستجرام” من الساحل الشمالي، وعبرت فيه عن سعادتها بشفائها التام، موجهة الشكر للأطباء الذين تابعوا حالتها.
كما هنأت جمهورها بعيد الأضحى المبارك، مردفة: “بحمد ربنا على اللي وصلتله، ويلا بقى نهيص أنا جيت الدنيا عشان اتدلع”.
كانت الفنانة قد خضعت لعملية جراحية منذ فترة، بسبب تعرضها لخطأ طبي.
كما أنها أعلنت عن حصولها على الجرعة الثانية من لقاح فيروس كورونا المستجد.
نشرت “عبده” عبر حسابها الشخصي على موقع تبادل الصور والفيديوهات إنستجرام، مقطع فيديو تكشف فيه عن حصولها على اللقاح، وكتبت: “الحمد لله أخدت الجرعة الثانية من لقاح كورونا بس طبعاً لسه هفضل محافظة على كل احتياطات الوقاية من كورونا عشان الموضوع مش هزار خلوا بالكو من نفسكم واللي حواليكم وسجلوا في صفحة وزارة الصحة عشان تاخدوا اللقاح، ربنا يحمي الجميع وتحيا مصر”.
قالت فيفي عبده خلال مقطع الفيديو، إنها توجه الشكر للجيش الأبيض ووزارة الصحة والدولة على توفير لقاح فيروس كورونا، مضيفة أنها سجلت على الموقع الإلكتروني للحصول على اللقاح.
تابعت: “وفعلا بعتولي وخدت التطعيم، لكن مش معنى إن أنا خدت التطعيم إن أنا أهمل، لا الوقاية هي هي، لازم اخلي بالي من الغسيل والماسك وكل حاجة، لأن عمالين يقولوا اللي جاي هيبقى شرس، ربنا يكفينا شره، وربنا يشفي كل مريض من كورونا، وربنا يرحم كل اللي توفوا، من صميم قلبي ربنا يرحمهم وحقيقي أنا حزينة جدا على موضوع الكورونا ده”.
استكملت: “اللي مش عارف يسجل على النت، يخلي حد يكون عارف يسجله، علشان ياخد مكانه، ويجيله المعاد، ويكلموه يقولوا له معادك جه، يروح يتطعم، اللي عنده أم يعني انتوا قوموا بالأسرة، لأن أنا مكنتش عارفة وعملوا لي كده، وأنا مشيت وراهم ورحت اتطعمت النهاردة”.
في سياق منفصل، كانت آخر أعمال الفنانة فيفي عبده التلفزيونية مسلسل “مملكة الغجر”، بطولتها وحورية فرغلي وحازم سمير وسامح الصريطي وميار الغيطي وسناء شافع، تأليف محمد الغيطي، إخراج عبد العزيز حشاد.