عمر كمال: سمية الخشاب تخلت عني

علق مطرب المهرجانات عمر كمال، على تعاونه مع الفنانة سمية الخشاب في أغنية “أوعدك”، وقال إن سمية فنانة كبيرة ولها تاريخ كبير، حيث عملت مع أكبر النجوم مثل الفنان نور الشريف، مضيفا: “لكن أنا زعلان منها”.

تابع “كمال” خلال لقائه مع برنامج “مع تمام” الذي يقدمه الإعلامي تمام بليق على الجديد فن: “إحنا الاتنين عملنا أغنية نجحت في مصر، حاليا بعد أسبوعين الأغنية عاملة 10 مليون، الأغنية كانت تجيب 30 أو 40 مليون لولا تعاونها معايا اللي هي أخلت بيه”.

نرشح لك: كلمات أغنية “أوعدك” لـ عمر كمال وسمية الخشاب

استكمل: “مفيش علاقة بيني وبين سمية الخشاب، لكن أغنيتي أنا وهي كانت ممكن تكسر الدنيا زي ما كل شغلي كسر الدنيا، إحنا من غير أي حاجة الأغنية جايبة في أسبوعين 10 مليون، لكن كانت ممكن تجيب 30 أو 40 أو 50 لولا هي اتخلت، وهي عارفة ليه اتخلت عني، ومبتكلمش معاها”.

ووجه لها رسالة قائلا: “أنا بحبك جدا وأنا واحد من جمهورك، لكن أنا كنت بتأمل إنك تتعاوني معايا في الأغنية كنا هننجح نجاح أكبر من كده بكتير وأنتي عارفة الأغنية النهاردة جايبة 10 مليون في أسبوعين كانت ممكن تجيب 20 أو 30 مليون، وأنتي عارفة ليه وقفت الأغنية، أو مشيت بالمعدل ده، كنا ممكن ننجحها أكتر لولا إن أنتي متعاونتيش معايا”.


كانت الفنانة سمية الخشاب، قد شاركت في فيديو كليب “أوعدك” مع مطرب المهرجانات عمر كمال.

تدور الأغنية حول وعود رومانسية يقدمها “كمال” لـ سمية، بينما تتحدث هي عن مفاتنها ومحاسنها.

يشار إلى أن سمية الخشاب، كانت قد شاركت في الموسم الرمضاني الماضي من خلال مسلسل “موسى”.

مسلسل موسى من بطولة محمد رمضان، وسمية الخشاب، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.