عمرو أديب عن يوم الأب: بيطفح الكوتة ومش ديكور

قال الإعلامي عمرو أديب، احتفالا بيوم الأب العالمي، إن الأباء لهم دور مهم في حياة أبنائهم، وهو دور مساو لدور الأم عكس ما يظنه البعض.

تابع “أديب” خلال حلقة أمس الأحد من برنامج “الحكاية” عبر شاشة “mbc مصر”: “الأب دايما محدش بيجيب سيرته، كل الأغاني والهدايا للأم وده حقها. بس بردو الأب هو اللي بيطفح الكوتة عشان تبقى بنى آدم، وهو اللي ليه دور يصنع منك شخصية، الأب ده مش ديكور لأ ده مهم.. لولا الأب ما كان الابن”.

نرشح لك: وزير الري: لا نملك وثائق على بيع أثيوبيا المياه لإسرائيل

أضاف: “الأب هو اللي بيجري على أكل العيش والمسألة دي مش سهلة الأيام دي، هو ميزان الانضباط جوا البيت، وأتمنى إن الأبناء النهاردة زي ما بيعملوا مع الأمهات يفرحوا أبهاتهم ويقولولهم كلمة حلوة عشان الأب مش واخد حقه”.

أردف: “فيه أبهات كتير مش واخدة بالها من عيالها وليس مبررا أبدا إنك بتجري على أكل العيش، أدي دايما وقت للعيل لأن العيال دايما بتقلد أبهاتها لأن الأب هيبة، وبشوف أبهات بيفضلوا لحد ما ولادهم يتجوزوا ويخلفوا فاتحين بيوتهم”.