زينب غريب: والدة المتحرش ساومتني بأموال للتنازل عن القضية

دنيا شمعة

روت الفنانة زينب غريب، تفاصيل واقعة تعرضها للتحرش من قبل طبيب بيطري في أحد الشوارع، حيث قام بتصويرها بدون علمها أثناء تتبعه لها.

قالت “زينب” خلال فيديو نشرته عبر حسابها على “إنستجرام”: “غضبت أكتر لما عرفت إنه متجوز، ووالدته كمان جت النيابة وبيساوموني وبيطلبوا مني أغير أقوالي وأتنازل عن القضية وبيعرضوا عليا فلوس. كانوا بيقولولي متخليهوش يتحبس في أيام مفترجة”.

نرشح لك: 11 تصريحا لـ نجلاء يونس.. عن الموظفة “سحر” في “ليه لأ 2”

أضافت: “حاجة في منتهى السخافة والعقم والتخلف إن حد يدي مبرر للتحرش، التحرش ده جريمة.. أنتوا بتعاندوا في إيه وبتكدبوا بنات تانية ليه؟ بتقفوا في ضهر المتحرشين ليه؟ إيه قوتك في إنك تكتب جملة على إنها إيفيه في كومنت بتساعد بيها على التحرش؟”.

أردفت: “دي مش أول موقف تحرش أنا مريت بيه، وأنا عندي 12 سنة تم التحرش بيا ودي كانت أول مرة ومتقبلتش وقتها إنه هو الغلطان، ولومت نفسي وفضلت رابطة صدري برباط ضغط لمدة سنة وبلبس لبس ولاد ومش متقبلة إني بنت”.

استكملت: “التحرش جريمة ويا ريت كل بنت متسكتش وتدافع عن نفسها ولازم تعرف إيه الإجراء القانوني اللي محتاجة تاخده عشان حقها ميروحش”.

كانت زينب غريب قد أوضحت من فترة تعرضها للتحرش، وكتبت عبر حسابها على “فيسبوك”: “أنا مش فاهمة الأمهات اللي لو ابنها قتل، أغتصب، أو تحرش تتدافع عن ابنها وتنسى إني في مقام بنتها برده، فعلا محتارة ما بين أساعد الأم وأتنازل عن حقي ولا أقول لها يا حجة ابنك متحرش ولازم يتعاقب! والأغرب إنه دكتور بيطري وعلي ما يبدو افتكرني جاموسة ماشية قدامه”.

إنستجرام التحرش جريمة رئيسية زينب غريب طبيب بيطري