ناردين فرج تكشف تفاصيل مشاركتها في "لعبة نيوتن"

علقت الإعلامية ناردين فرج، على مشاركتها في مسلسل “لعبة نيوتن“، وقالت إن رد الفعل على مشهدها مع الفنانة منى زكي كان جيد جدا.

تابعت “فرج” خلال لقائها مع برنامج “LITE SHOW” المذاع على شاشة الحياة: “وحتى دلوقتي بعد ما شافوا هنا وأحداث هنا، رجعوا قالوا اه صاحبتها سلمى كان معاها حق، فالناس فاكراها وفاكرة المشهدين اللي أنا عملتهم قوي”.

نرشح لك: تامر محسن عن “لعبة نيوتن”: آخر مسلسل هعمله من 30 حلقة

استكملت: “كل مصر نفسها تشتغل مع تامر محسن، فدي كانت حاجة بالنسبة لي كبيرة قوي، وحقيقي اتكلم معايا في كل تفصيلة، يعني هما كانوا مشهدين بس كانوا ممكن يعدوا في المسلسل ومحدش ياخد باله منهم، هو عنده ممثلينه اللي طالعين معاه السنة دي، لكن هو اتكلم معايا في كل تفصيلة، سلمى دي مختلفة ازاي عن هنا، هما كانوا مع بعض في المدرسة بس دي بتتكلم إنجليزي غير دي”.

أردفت: “المصريين اللي عايشين برة، يعني أنا كل الأجواء اللي جاتلي إن المصريين اللي عايشين برة، هما فعلا عاملين زي سلمى، طبعا منى زكي هي أصلا صاحبتي واعرفها من زمان، لكن إني أقف قدامها وأنا بمثل، هي فنانة كبيرة، يعني هي مبتتكلمش كتير ومبتعملش تعبيرات رهيبة بوشها بس إحساسها واصلك قوي، فده بيبين قد إيه هي فنانة كبيرة بحضورها”.

“لعبة نيوتن” مسلسل تشويق رومانسي من بطولة الفنانة منى زكي ومحمد ممدوح ومحمد فراج ونخبة كبيرة من الممثلين المصريين، ومن إخراج تامر محسن.