كشف دكتور طارق شوقي وزير التربية والتعليم والتعليم الفني، عن سبب إجراء امتحانات الصف الأول الثانوي ورقيا في أبريل، رغم إجرائها إلكترونيا في فبراير ومارس.
أوضح “شوقي” خلال مداخلة هاتفية مع برنامج الحكاية المذاع على شاشة MBC مصر ويقدمه الإعلامي عمرو أديب: “في فبراير لما عملنا هذا الامتحان للأسف، حوالي 80٪ من الدفعة غشوا الامتحان”.
تابع: “بدليل إنك تلاقي متوسط الدفعة اللي فيها 650 ألف، في مادة زي الجغرافيا، جايبين 97٪ وفيه الرياضيات 94٪، واحنا شايفين المجموعات وعارفين بيعملوا ايه، فده حط الضوء على مشكلة عميقة في نظرتنا للتعليم والهدف منه، ولكن علشان الـ 20٪ الشاطرين اللي أدوا بأمانة، عايزين نطلع بتقييم مظبوط”.
استكمل: “كان لازم الدفعة دي تتقيم بنفس الأسئلة، أنت اشتكيت من السيستم، وأصل السيستم بيقع وبيوترني، خلاص ميفرقش معاك بقى السؤال على شاشة ولا على ورقة، تعالى كده نجرب نمتحنه على ورقة، وهنجبلك مراقب بس مش نفس المدرسة، من مدرسة تانية، وهنصلحه بطريقة تانية، بنعمل كده علشان نقفل الأبواب على التحايل على الامتحان وندي المجتهد حقه ونعرف الولاد مستواهم الحقيقي، ده السبب، ونقدر نعمله بالتابلت، بس المهزلة بتاعة الغش معندناش استعداد نبوظ الامتحان ونفقده معناه”.