بيومي فؤاد: "ما فهمتش فيلم وقفة رجالة إلا لما شوفته"

تحدث الفنان بيومي فؤاد عن علاقته، بالفنان ماجد الكدواني والفنان سيد رجب، خلال تصويرهم فيلم “وقفة رجالة”، الذي يعرض حاليا بالسينمات.

قال “بيومي” خلال حلوله ضيفا بصحبة “الكدواني” و”رجب”، مساء السبت، على برنامج “سهرانين”، مع الفنان أمير كرارة، المذاع عبر شاشة “ON”، إنه سخر من اختيارهم لبطولة الفيلم لأنه يحصدون أو يرشحون لجوائز مهرجانات.

نرشح لك: “وقفة رجالة”.. العب بالشايب تكسب

أضاف: “أول يوم تصوير في فيلم وقفة رجالة، قولت للمخرج أحمد الجندي تاني مرة لما تختار الكاست ابقى قولي، عشان أنت مختار اتنين يا إما بياخدوا جوايز يا بيترشحوا، فدول هيقرفونا ويتكلموا في تفاصيل مش هنبقى عارفينها”.

تابع: “هيتكلموا في تفاصيل المهرجانات، وقالي دول أساتذة وبتاع وهتجرب، وإحنا شغالين ماجد بيسأل على تفصيلة التفصيلة، ولما أحمد الجندي يقوله على حاجة يقول الله كبني آدم أكاديمي، أنا بقى مبربطش حاجة أنا فهمت الفيلم لما شوفته”.

فيلم “وقفة رجالة” بطولة ماجد الكدواني وبيومي فؤاد وسيد رجب ومحمد سلام وأمينة خليل وشريف دسوقي، إخراج أحمد الجندي، تأليف هيثم دبور.