أحمد شوبير: أحمد مجاهد صاحب قرار إيقاف الشناوي

دنيا شمعة

قال الإعلامي الرياضي أحمد شوبير، إنه لا يوجد لجنة ثلاثية مسئولة عن قرار إيقاف أحمد الشناوي، لكن أحمد مجاهد هو المسئول الوحيد.

تابع “شوبير” خلال مداخلة هاتفية مع برنامج “الحكاية” مع الإعلامي عمرو أديب، عبر شاشة “mbc مصر”،مساء أمس الجمعة: “مفيش لجنة ثلاثية هي لجنة أحادية فيها أحمد مجاهد بس، والاتنين اللي معاه ميعرفوش أي حاجة عن القرار”.

نرشح لك: تعرف على المعلق خالد خيري صاحب الأداء الشعري

 

أضاف: “هو أخد قرار خاطئ، ثم أخد قرار فوقه كمان خاطئ، والقرار ده أصلًا يخص لجنة الانضباط بس، ولما خفف القرار قال إنه عشان الأهلي عنده واجب وطني، طب ما كل اللعيبة عندهم واجب وطني”.

أردف: “وده المفروض مش من اختصاصاته لأنه لغى كل اللجان اللي جوا الاتحاد، ومن حق أي لاعب يحس بالتفرقة والتعصب بعد القرار ده”.

تابع: “إحنا معندناش إتحاد كورة، إحنا عندنا شخص واحد كل القرارات متمحوره حواليه، من أول مابتركن عربيتك قدام الاتحاد لحد ما تروح”.