بيومي فؤاد عن والده: "اشتغل كل شغلانة شوفتها في فيلم عربي قديم"

تحدث الفنان بيومي فؤاد، عن والده الذي توفى مساء الاثنين، قائلا إنه عمل بعدد من المهن البسيطة المختلفة طوال حياته، كما كان صارمًا جدًا معه.

تابع “فؤاد” خلال لقاء سابق مع برنامج “آخر النهار” مع الإعلامي خيري رمضان عام 2017: “أبويا من وهو صغير اشتغل شغلانات كتيرة أوي، كل شغلانة شوفتها في فيلم عربي قديم أبويا كان بيقول إنه اشتغلها”.

نرشح لك: صور.. جنازة والد الفنان بيومي فؤاد

أردف: “منهم إنه كان بيبيع لبن وزبادي، زي فريد شوقي في فيلم جعلوني مجرمًا، لحد ما بقى رئيس عمال كلية فنون جميلة”.

أضاف: “إحنا كنا ساكنين في الضاهر، وبعدها فيه دكتور في الجامعة جاب لأبويا حتة عربية صغيرة في الزمالك، عشان ميتأخرش في المواصلات وهو رايح الجامعة”.

واصل: “يوم نتيجة ثانوية عامة بتاعتي، أبويا كان فرحان إني نجحت بس أخويا جاب نتيجة القدرات بتاع الكلية، وأنا اتنرفزت عليه قدام أبويا وجوز أختي.. أبويا يومها ضربني بالقلم النضارة وقعت مني.. ودي آخر مرة أبويا ضربني فيها”.

يذكر أن والد الفنان بيومي فؤاد توفى مساء أمس الاثنين، وشيعت جنازته مساء اليوم الثلاثاء.