إدوارد يحكي تفاصيل تعرض عائلته لضائقة مالية
دنيا شمعة
قال الفنان إدوارد، إن أسرته تعرضت لضائقة مالية كبيرة في فترة شبابه، مما اضطره للعمل وتحمل مسئولية أسرته.
تابع “إدوارد” خلال لقائه مساء الخميس، مع برنامج “معكم منى الشاذلي”، مع الإعلامية منى الشاذلي، عبر شاشة “cbc”: “والدي جاله جلطة وأنا في تانية جامعة وقعد سنة في العناية المركزة، واضطريت تصفية كل شغله.. فابتديت أشتغل وأعتمد على نفسي، لحد ما خلصت جامعة وجوزت إخواتي”.
نرشح لك: عفاف شعيب: “اللي يغسل المواعين ميبقاش راجل”
أضاف: “أنا والدي كان صاحب شركة سياحة، وفجأة اضطريت أشتغل عند اللي كانوا بيشتغلوا عندنا عشان أصرف على عيلتي، وأختي اشتغلت وأمي نزلت اشتغلت.. كانت بتساعد الستات العواجيز، وأنا كنت بنزل أعزف جيتار في فنادق”.
أردف: “أنا اتعلمت إني من صغري أبقى راجل، وأبقى مسئول عن أسرة وأنا لسة مخلصتش جامعة.. كنت بقول الحمد لله إن يتبقى معايا كام جنيه أخرج بيهم مع صحابي، دي كانت بالنسبالي فرحة”.