"أديب" عن شائعات هدم المساجد: "مصر جوامع وطلعلها بلد"

عمر خليل

علق الإعلامي عمرو أديب، على الشائعات التي تنشرها جماعة الإخوان الإرهابية، بشأن هدم مصر للمساجد، في ظل إجراءات قانون التصالح في مخالفات البناء.

نرشح لك: عمرو أديب يطالب بمحاسبة المسئولين عن مخالفات البناء

قال “أديب” خلال تقديمه برنامج “الحكاية”، مساء الجمعة، المذاع عبر قناة “MBC مصر”: “مصر جوامع وطلعلها بلد، المصريين مبيعملوش حاجة غير أنهم بيبنوا جوامع”.

تابع: “ده اللي بيخف من مرض بيبني جامع، اللي ابنه نجح بيبني جامع، واللي رجع من الحج بيبني جامع، وكمان اللي مش عايز العمارة تتهد بيبني جامع”.

تابع: ” يا جماعة في محطات بنزين فيها جوامع في مصر، ودي حاجات مش موجودة في العالم كله، أنت الصبح بتسمع آذان الفجر في كل حتة حوالين بيتك، بقى جايين تقولوا دلوقتي مصر ناقصها جوامع، طب قطر فيها كام جامع؟ وهل وقت صلاة الجمعة كل الجوامع في قطر بتشتغل؟”.

أضاف: “الإخوان دلوقتي عشان يولعوا الدنيا، يقولك دول بيهدوا المساجد وسايبين الكنائس، وهو كدة بيثبت تفكيره المتطرف اللي عاوز يعمل بيه فتنة طائفية، حتى في المصالح الحكومية تلاقي زاوية في كل دور من أدوار المصالح الحكومية”.

أكد “أديب” أن أردوغان قام في عام 2008 بهدم أعرق مساجد تركيا من أجل بناء قصر على أرضها لصالح أمير قطر.