عبد الله غلوش يكتب: غلوشيات رمضانية (12)
– الذكري التانية لواحد من اجمل الأيام اللي عاشتها مصر.
– مفيش دولة في العالم بتاخد 3 ايام اجازة في السنة احتفالا بثوراتها.
– “علي مسئوليتي ” .. بعد اللي عمله احمد موسي في حلقة امبارح ، اتوقع ان يجري عملية البواسير قريبا.
– “علي مسئوليتي ” .. اول برنامج في الوطن العربي ينشر تصريحات لمقدم البرنامج بتاعه.
– تغطية محمد علي خير امبارح علي قناة “الناس” ، فكرتني بتغطية الشيخ خالد عبدالله لأحداث 30 يونيو علي شاشة نفس القناة قبل اغلاقها.. فضائية دينية بتتكلم في السياسة ليه ، مش فاهم؟
– في اقل من 3 ساعات ، عمار علي حسن طلع في 4 قنوات وعبدالمجيد محمود النائب العام الأسبق أجري مداخلة تليفونية مكررة في 6 برامج مختلفة.
– ربنا يجازي وليد دعبس واسامة الشيخ اللي عملوا لواحد زي معتز مطر ده ثمن.
– مرتضي منصور من كتر المداخلات الهاتفية اللي عملها امبارح ، سأل رامي رضوان في نص مكالمته مع “البيت بيتك” ، حضرتك مين وبرنامجك اسمه ايه؟
– “القاهرة اليوم” .. من 10 ونص لـ 12 إلا ربع .. رانيا بدوي اتكلمت 6 دقائق فقط وعمرو أديب قام بالباقي لوحده.
– بدون منافس ، دينا أبوالفضل الجندي افضل مراسلة توك شو في مصر الان.
– حلقة الأمس من برنامج “الصندوق الأسود” علي قناة العاصمة .. أثبتت ان عبدالرحيم علي من غير تسريبات لا يشاهده ولا يتابعه أحد.
– بعد غياب اكتر من اسبوعين ، شريف عامر ظهر علي شاشة mbc مصر يومين ورا بعض .. مرة مع احمد السقا في “ذهاب وعودة” ومرة لتغطية حادث اغتيال النائب العام.
– لأول مرة لميس الحديدي تظهر بـ makeup محدود علي شاشة cbc.
– الصفحات الرسمية لمسلسلات ( ظرف اسود والعهد وبعد البداية) رفضوا ينزلوا الحلقة 13 علي اليوتيوب قبل عرضها علي القنوات المصرية ، في الوقت اللي الصفحات الرسمية لمسلسلات (تحت السيطرة وحالة عشق وحق ميت) نزلوها عادي بعد دقائق من إذاعتها علي art.
– مش عارف ليه افتكرت اعلان (ولا بنتهز) بتاع يوسف شعبان وانا بأسمع كلمة الرئيس السيسي النهارده.
– قناة crt .. قلبت “كلام في الكورة” لبرنامج سياسي ورئيس القناة احمد سعيد اتصل بمقدم البرنامج سيد عبدالحفيظ لمدة ساعة الا ربع عشان يطالب الداخلية تصحصح أكتر من كده.
– “بانوراما دراما ” لو متأكدة بنسبة 1% ان في حد بيتفرج عليها ، مكنوش اترددوا لحظة في اعلان الحداد زي باقي القنوات.
– ربنا يرحمك يا أمي ويرحم امهاتنا جميعا ويخلي أمهاتكم يارب.
اقـرأ أيضـاً:
عبد الله غلوش يكتب: غلوشيات رمضانية (11)
عبد الله غلوش يكتب: غلوشيات رمضانية (10)
عبد الله غلوش يكتب: غلوشيات رمضانية (9)
عبد الله غلوش يكتب: غلوشيات رمضانية (8)
عبد الله غلوش يكتب: غلوشيات رمضانية (7)
.