أحمد عز: مستحيل أمثل في مسلسل "ولاد رزق"

هبة خالد

حل الفنان أحمد عز، ضيفا على برنامج “الراديو بيضحك” مع الإعلامية فاطمة مصطفى، الثلاثاء، عبر إذاعة “الراديو 9090”.

نرشح لك: “حماية المستهلك”: قطع خدمة الإنترنت مُخالف للقانون

 

يرصد إعلام دوت كوم، أبرز التصريحات التي قالها “عز” خلال الحوار، وحديثه عن أعماله المقبلة:

1- أوضح أن سبب غيابه عن اللقاءات الصحفية؛ حرصه على التركيز في أعماله الفنية، قائلا: “أنا بحب أشتغل وأروح وبسيب الناس تقيمني”.

2- نفى امتلاكه أي حسابات شخصية على مواقع التواصل الاجتماعي باستثناء تويتر، موضحًا أنه يستخدمه في المناسبات فقط.

3- قال: “المسرح من أمتع تجارب حياتي، وكنت بتكلم مع صديقى المنتج وائل عبد الله وبقوله ازاي مخلتنيش أعمل مسرح في السنين اللي فاتت دي كلها”.

4- فريق عمل (علاء الدين) ممتع وكلنا أسرة، والعرض ظهر بشكل احترافي لم يقدم من قبل في مصر، متابعا: “لأنه مش مجرد حوار دا شو كبير”.

5- “علاء الدين” عرض كبير وليس مسرحا بشكله التقليدي، “حاولنا نعمل حاجة مختلفة لإسعاد الناس خصوصا بعد أزمة كورونا من شهر مارس إلى الآن.. حتى وإحنا متبرعين بأجورنا”.

6- “أنا خواف في الحاجة اللي ما جربتهاش أو ما روحتلهاش قبل كده.. وما قبلتش بالمسرحية في بداية الأمر إلا بعد مجدي الهواري ما كلمني واتفرجنا على النسخة الأجنبية في لندن وعجبتني جدا.. عملناها بالمصري أجمل بكتير”.

7- “أول يوم في عرض المسرحية كان رعب.. ما كنتش عاوزه يجي وكنت خايفة أنزل المسرح، لكن بعد أول خمس دقائق وتفاعل الجمهور اللي بيحسسك إنك بتقبض في ثانيتها.. بتروح الرهبة وهنا تكمن حلاوة المسرح ومتعتها”.

8- الالتزام بالإجراءات الاحترازية عطل تصوير مسلسل “هجمة مرتدة” الذي نسعى لتغيير اسمه خلال الفترة المقبلة، وهو مأخوذ من ملفات المخابرات المصرية.

9- “نجاح فيلم (الممر) كان أول مرة يحصلي في حياتي إن ألاقي الدنيا فاضية عشان بيتفرجوا عليه.. ودا سبب الإنتاج وشريف عرفة لأن أهم حاجة عنده أن الممثل بتاعه يكون مرتاح”.

10- “فيلم مذكرات مراهقة كان بدايتي مع هند صبري، وكنا بنحلم بخمس ست مشاهد وقتها لحد ما نعلى واحدة واحدة، لكن حصلت طفرة في السينما وكانوا عايزين وجوه جديدة فنمنا وصحينا لقينا نفسنا أبطال”.

11- مسلسل “هجمة مرتدة” سيعرض في موسم رمضان، لأنه الأكثر إعلانات حتى يتحصل على فلوس إنتاجه.

12- جملة “البسوا المموه بيخافوا منه” هي للمخرج شريف عرفة، وخرجت على الهواء وإحنا بنصور.

13- فيلم “كيرة والجن” يروي تفاصيل احتلال الإنجليز لمصر، وكواليس تصويره مليئة بالضحك مع كريم عبد العزيز.

14- أتوقع عرض فيلمي “كيرة والجن” و”العارف” العام المقبل.

15- “استحالة أقوم بتمثيل أولاد رزق” كمسلسل.. ممكن اللي يفكر يحوله لمسلسل يكون بأبطال تانية غيرنا، لأنه لا يحتمل إلا جزء ثالث إن أمكن”.

16- “بحب شخصية رضا في (أولاد رزق) جدا لدرجة أنها بتفضل معايا أوقات مع أصحابي أو في البيت.. ومشهد مشاجرتي مع نسرين أمين وبوس راس الحاجة كتاباتي من بدايته لنهايته”.