تامر أمين عن هيفاء وهبي: متعودة دايماً !

17 ابريل 2015 | 05:24 مساءً

هاجم الإعلامي تامر أمين كليب هيفاء وهبي الأخير بسبب الملابس الجريئة التي ارتدتها هيفاء فيه، قائلاً “لما اتفرجت على الفيديو كليب عرفت ان هيفاء ماكنتش بتقول الحق، وانها متعودة دايماً”

و أضاف خلال برنامجه “من الأخر” الذي يُعرض على قناة روتانا مصرية “ده واحد من الأزياء اللي مش عارف أسميه إيه الحقيقة، فستان ولا مش عارف ده لبس العنكبوت الأسود ولا إيه، وبصوا على الفستان الأسود ده عشان تعرفوا إنه من نفس الروح بتاعة الفستان القديم” في إشارة منه إلى الفستان التي ارتدته في إحدى سهرات ستار أكاديمي وسبب أزمة لها ولقناة cbc بسبب جرأته.

وتابع أمين “أنا مش قضيتي في لبس هيفاء، تلبس اللي تلبسه هى حرة، أنا يهمني هنا الكذب، أنا هحترمها أكتر لما تطلع تقول أنا لبسي كده وهى دي فساتيني واللي مش عاجبه مايتفرجش عليا، وساعتها هختلف معاها برضه بس هحترمها، المهم الثبات على الموقف، لكن تطلعي وقت ستار أكاديمي وتقولي عمري ما هعمل كده تاني، وبعد كام شهر من الأزمة تقومي رزعانا واحد تاني بنفس الشكل، يبقى انتي كدة قاصدة و متعودة دايماً”