مارينا المصري تكتب: دراما كوين (20)

كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.

نرشح لك: مارينا المصري تكتب: دراما كوين (19)

بالحجم العائلي

– “ساعات لما الواحد يخبي عينه عن المشكلة بيبقى مفيش مشكلة”.

(الإنكار مش حل، الإنكار مسكّن، بس ساعات الوقت بيحل، والإنكار بياخد وقت … مممم يبقى الإنكار ساعات حل!)

أبو عمر المصري

– “ومين اللي هيدينا دروس الدين؟!”

على أساس ايه !!

(ده سؤال مهم، مين هو الشخص اللي اسمع منه كلام عن ديني وعن ربنا، سؤال يخليك تعرف هتشوف دينك بعين تطرف وأفكار شخصية ولا بعين رسالة من ربنا على لسان إنسان)

– “تجبرنا الحياة على فعل أشياء لا نريدها”.

(ولكن دايما الانسان حر، لا حياة ولا مكتوب هو من يحركنا، أنت وحدك صانع قرارك)

– “لماذا تريد إخراج غضبك على من لا يؤذيك”.

(ديما بنعمل الحركة دي ساعات عشم وساعات جبن وضعف، بس يا ترى الأضعف لو استحمل غضبنا بيكون أضعف ولا أقوى !؟)

– “تذكر فقط من أنت”

(على فكرة الموضوع مش سهل إن إنت تعرف إنت مين ومتنساش وسط دوشة الحياة دي حاجة صعبة أوي)

كلبش ٢

– “خد وقتك، بس حذاري إنك تاخد إكتر من وقتك”

(دي أكتر جملة مرعبة مثلا بالنسبالي إني أحس إني مسجون في وقت أنا مش عارف نهايته امتى؟!!!)

– “عدو عدوي صديقي”

(وأنا وأخويا على ابن عمي وأنا وابن عمي على الغريب)

ليالي أوجيني

– “اللي بيخليني أصحى الصبح وأكمل واعيش إني بقول لأ، الدنيا لا يمكن تعمل فيا كده”.

(اعتقد الجملة دي سبب صحيان ناس كتير الصبح وصحاينهم كمان من النومة اللي في الحياة)