تحليل

مارينا المصري تكتب: دراما كوين (17)

كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.

نرشح لك: مارينا المصري تكتب: دراما كوين (16)

ليالي أوجيني

– “أصحاب زمان دول ميتعوضوش أبدًا”

(Old is gold )

-“طول الوقت عادي، مش مبسوط ولا زعلان، طول الوقت عادي”.

(العادي ده أوحش من الزعلان علشان ده بيكون موجوع ومش فاهم مش عارف يحس حاجة ويستفيد ويستمتع بيها.. أصل حتى الحزن في استمتاع)

– “مفيش حاجة عندي أغلى من الضحك”.

(الناس الفرفوشة رزق، الراجل الفرفوش رزق، الست الفرفوشة معجزة، الأهل الفرفوشة حظ)

–        “مش مكسوف والنبي من غشك، ليك عين توريني وشك، أما انت جريء والله ومرازي أكيد والله”.

(الناس البجحة وباء)

بالحجم العائلي

– “مش الصلاة مفروض بتخلي البني أدمين هادين”.

(والشيطان يشتغل امتى)

– “مش مفروض الست تعرف جوزها معاه كام ؟!

(مفروض أكيد، بس هو مش مفروض يعرف معاها كام 🙂

– “اظاهر إننا جينا علشان نعمرها وبس”.

(أوحش إحساس انك تكون شايف إن ملكش لزمة مجرد شيء مستغل، وكل لزمتك إنك تعمر الدنيا اللي إنت اصلا كارها وجاية عليك ونفسك فصيلة البني أدمين تنقرض)

أبو عمر المصري

– “تفتكر الإنسان مخير ولا مسير”.

*افتكر إننا إحنا اللي بنختار.

(ده أفضل رد على السؤال ده.. أنت اللي بتختار)

– “أنا مش ضد اللي إنت بتقوله خالص، بس برضه مش معاه”.

(لما تكون عارف ان كلام اللي قدامك غلط بس معندكش الصح، أو مش قادر تقول غلط يمكن خوف من المسلمات اللي عيب وحرام تعترض أو تسأل فيها)

أيوب

– “دي حتة BM علشان نفسيتي اللي زي الزفت”.

(احلف!! انا نفسيتي زفتين والله)

– “ده فنان، عرف يبيع للناس إنه مجنون”.

(المجنون يتخاف منه والعاقل يتقل منه، اعمل مجنون ده عين العقل)

كلبش ٢

– “كسرت النفس وحشة وكسرت الضهر أوحش”.

(وجبر الخواطر على الله)

– “أنا بعرف اللي بيكدب من نبرة صوته، من عينه”.

(ومن غبائه)

– “ومين قالك إن الحرامية هما اللي بينطوا من فوق السور ! دي موضه قديمة وبطلت”

(على رأيك كلنا مسروقين وحرامية، اللي مسروق منه ناس ووقت وحب وأفكار ومشاعر وفلوس وأهل وعمر واللي سارقهم وفاكر إنه هو الحرامي.. كل الحرامية مسروقين وكل المسروقين حرامية)

– “لما الست تخون حرامي مع حرامي أوسخ منه، هي دي اللي ندور عليها”.

(ست…….!!)

– “الست اللي بتخون جوزها تخون أي حد تاني”.

(في بني أدمين وفِي خاينين.. اعمل أي حاجة غلط إلا أنك تخون، إلا الخيانة (بنفس صوت وأداء نور في إلا الكذب في الرهينة)

-“الموت عمره ماكان نكته بايخة.. الموت يعني موت”.

(الموت حقيقة بايخة)

رحيم

– “صوتنا يبقى واطي، إحنا الصبح”.

(ونبي يا جماعة ياريت، الدوشة أو أصلا الكلام الصبح ده ذنب لا يغتفر وبعدين فين الmorning text في حياتنا)

– “قَصر بدل ما تتحسر”.

(ده شعار الصباح)

طايع

– “عاملة زي اللي واخدة إعدام، كل لحظة خايفة، وده بيوجه أكتر من الموت.

(سلام يا مهجة)

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock