عمرو أديب عن مرشحي الرئاسة: "واخدينها لعبة"

انتقد الإعلامي عمرو أديب انسحاب مرشحي الرئاسة من المشهد الانتخابي، موجهًا اللوم للمرشح الانتخابي خالد علي قائلًا:” إنت ما اكتشفتش إن المناخ غير مواتي ديموقراطيًا غير دلوقتي، هو قبل ما تنزل الانتخابات كان مواتي، إنت بتتكلم عن إغلاق المجال العام بعد ما جبت 19 ألف و300 توكيل”.

أوضح “أديب” خلال حلقة مساء السبت من برنامج “كل يوم” المُذاع على قناة “ON E”، الهدف من الانتخابات كان فتح المجال العام وإعطاء الفرصة لجميع الآراء للأخد والرد، مضيفًا: “فيه حد عايز يوصلنا لحارة سد، كل تويتات الإخوان بتقول باظت خلاص، بعد ما فقدوا الأمل من انتقاد الجانب الإقتصادي والناس استحملت، دى فرصتهم”.

نرشح لك: فيديو: هكذا انتقل حارس مرمى الأهلي في الستينات للعمل السياسي

وتعليقًا علي رفض حزب الوفد دعم رئيسه السيد البدوي في الانتخابات القادمة قال أديب “أول مرة أشوف حزب معارض يؤيد رئيس البلد، كلهم كتبوا حزب المباديء! أنت فاهم يعني اية حزب ميؤيدش رئيسه؟! يعني هل ينفع الحزب الديموقراطي الأمريكي يؤيد ترامب بدل هيلاري؟! أنتوا بوظتوا المنطق!”.

واستنكر أديب اعتذار أحد المرشحين عن خوض الانتخابات الرئاسية بالأمس أيضًا بدون ذكر أسباب قائلًا: “كنتم واخدينها لعبة، مكنش حد فيكم جد، أشياء كتير كان ممكن تتعمل، لكن فيه حد عايز يوصلنا في الآخر إنها مقفولة كدة، لكن الدنيا مش بتقف ولازم حد يفتح المجال في البلد، أنا اقترحت تأجيل الانتخابات لكن قالولي الدستور يمنع فلازم نجد حل”.