رأي خالد الجندي في برامج المقالب

قال الشيخ خالد الجندي، عضو المجلس الأعلى للشؤون الإسلامية، تعليقا على انتشار برامج المقالب، خاصة في شهر رمضان: “بقت عاملة زي الكوليرا، ومش غريب تلاقي واحد يتضرب بالقلم على قفاه، وهتلاقي سرقات، ويقولك كنا بنهزر”.

وأضاف الجندي، خلال حلقة برنامجه “لعلهم يفقهون”، المذاع على فضائية “dmc”، الجمعة: “ربنا نفسه ميرضاش بالأسلوب ده، مفيش حاجة اسمها هزار تقيل كده يتحكم في مصائر وأقدار الناس، الاستهزاء بكرامة الناس وترويع الآخرين، كل هذا ليس من الإسلام”.

تابع: “ده ربنا بيضحك، أحسن تفتكروا إننا بننادي بالنكد، وهناك أحاديث كثيرة تقول إن الله يضحك، والرسول يضحك، والنبي شخصيته لم تكن حزينة، لكن الضحك ليس معناه الاستهزاء بالآخرين وترويعهم، فهذا ليس من الدين.. الموضوع زاد عن حده”.