عبد الله غلوش يكتب: غلوشيات رمضانية (7)
– الدرس المستفاد من لأعلي سعر .. محدش ياكل بسطرمة أوي غير لما ينجرح أوي.
– لا تطفئ الشمس .. ميرفت أمين أضعف ما في المسلسل.
– لا تطفئ الشمس .. محمد ممدوح عامل دور فؤاد المهندس في عائلة زيزي.
– لا تطفئ الشمس .. عارفة عبد الرسول أفضل كوميديانة في شهر رمضان الحالي.
– لا تطفئ الشمس .. فتحي عبدالوهاب احسن واحد بيمثل بعينه في مصر.
– شعار رمضان السنة دي، ليه تدخلي معهد تمثيل، لما ممكن تبقي فاشونسيتا علي الانستجرام.
– الذكرى السنوية الأولى لمقتل رفاعي الدسوقي في صباحية اخوه الصغير ناصر.
– من هو سعد نبيهة .. حملة كحك العيد من حلواني العبد.
– واحة الغروب .. انتبه من فضلك المسلسل يرجع إلي الخلف.
– وضع أمني .. عمرو سعد بقاله 7 حلقات مابيعملش حاجه غير انه بيحط قنابل علي أبواب المستشفى.
– أرض جو .. لغاية النهاردة مش لاقي تفسير درامي يخلي محمد كريم يصبغ فيه دقنه وشعره أورانج ، ومش لاقي تفسير منطقي لأختياره عشان يشارك في المسلسل من الأساس.
– أرض جو .. لو في واحد مقتنع ان اللي بيقدمه عباس أبو الحسن في المسلسل ده أسمه تمثيل، ياريت يقولي.
– رمضان كريم .. كريم عفيفي أخف دم بين نجوم مسرح مصر في رمضان الحالي.
– في قنوات كانت بتعرض صلاة الجمعة كل اسبوع ، قررت تلغيها النهاردة عشان الخريطة مش مستحمله من كتر الاعلانات.
– نجلاء بدر الناس بتعايرها بفيديوهاتها الجنسيه “٣٠ يوم” وأهل الحارة بيعايروا اخواتها بفيديوهاتها القديمة وهي بترقص “رمضان كريم”.
– اللي يشوف باسل خياط السنة دي في المسلسل السوري “اوركيديا” هايعرف أن “30 يوم” لعب عيال بالنسبة له.
– كفر دلهاب .. بعيدًا عن موت ريحانة، المسلسل فيه كمية اسقاطات سياسية مش عارف فايته علي الأستاذ مكرم محمد أحمد إزاي؟
– الأصعب من غياب الفخراني ، غياب عبدالرحيم كمال.
– كمية الغلطات الإخراجية في أخر حلقتين من مسلسل “الزيبق” يعاقب عليها القانون.
– اقترح على المستشار مرتضى منصور رفع دعوى قضائية ضد النادي اتحاد العاصمة الجزائري بتهمة اهانة الزمالك.
– الزمالك بدون طارق حامد ، زي “عفاريت عدلي علام” بدون غادة عادل.
– مسلسل كل سنة .. القنوات تشكك في نتايج “ابسوس” ، وتقولك هانعمل شركة لوحدنا ويرجعوا يتعاملوا معاها تاني.
– لأول مرة من سنة ، النور يقطع مرتين في يوم واحد.
– السنة اللي فاتت دنيا سمير غانم كانت بتغني ارسم وردة وضحكة علي الشبابيك .. والسنة دي بتغني اخص اسفوخس .. وهنا يكمن الأختلاف.
– كلابش .. مفاجأة رمضان 2017 بلا منازع.
– هذا المساء .. سلمى حسن صاحبة أول مايوه في دراما رمضان الحالي.
– عدد الممثلات اللي بيحششوا في المسلسلات السنة دي مرعب.
– صابرين .. الحسنة الوحيدة في الجماعة 2.
– الحصان الأسود .. لو فاتك منه مشهد واحد ، صعب تفهم اللي يحصل فيه بعد كده.
– في نفس اليوم اللي نيللي كريم لبست فيه النقاب في “لأعلي سعر” هيفاء لبست الخمار في “الحرباية”.
– اي حاجة لما تشوف تفاصيلها الصغيرة يا اما اعجابك بيها يزيد أو تكرهها خالص .. باسل خياط “30 يوم”
– بعد الثورة، اللي كانوا في الضل خرجوا برة اللعبة .. واللي كانوا في الواجهة بقوا كروت محروقة.. محمود عبد المغني”ظل الرئيس”.
– مصر مفيش بلد زيها .. أول ما يتفتح باب الطيارة تلاقي التراب واخدك بالحضن ، وكل اللي في المطار يبقوا عايزين يقلبوك ويطلعوا منه بأي مصلحة وخلاص.. هدي المفتي هذا المساء.
– ربنا يرحمك يا أمي ويرحم أمهاتنا جميعًا ويخلي أمهاتكم يارب.
شاهد الحلقة السادسة من المسلسل الرومانسي الكوميدي (الحب الحب)