عفاف شعيب: مش هنبوّظ البلد عشان جزيرتين!!

استنكرت الفنانة عفاف شعيب قيام التظاهرات التي دعا إليها العديد من المواطنين اليوم 25 أبريل، قائلة: “أنا مش عارفة نازلين يهببوا إيه؟ هما فاكرين انهم هيأثروا في مصر، أقول لهم مصر مش لعبة، الدولة دي حاجة كبيرة، ومش ممكن تتهز، وبجد مصر أم الدنيا وهتفضل أد الدنيا، أنا بقول كده لأنني أعشق بلدي وخائفة عليها، وهذه هي مشكلتي الفعلية، وتجعل كثيرون ينتقدوني”.

وأضافت: “الحقيقة أنني لا أفهم في السياسة، ولا أتدخل فيها، لكن بالفعل جزيرتي تيران وصنافير سعوديتين، فقد سألت بعض الخبراء وأعلموني بذلك.. الموضوع مش مستاهل نبوظ البلد عشان جزيرتين، ونقعد نسأل دي بتاعت مين ودي بتاعت مين، ونعمل من كل موقف حكاية ورواية، خلي البلد تمشي والناس ترتاح، كل شوية المواطنين البسطاء يشتكوا مُر الشكوى من اللي بيحصل”، وذلك وفقًا لتصريحاتها لموقع التحرير.

وأعربت “شعيب” عن سعادتها بتكريمها مساء أمس الأحد من النادي الأهلي بمناسبة مرور 109 عام على نشأته، وقالت: “هو نادي صاحب تاريخ طويل، ويشرفنا في كل المبارايات، وله مكانة في قلوب المصريين والعرب، حتى أنني قديمًا كنت أتابع الماتشات، إنما الآن الوضع تغير، نظرًا لانشغالي بالمواظبة على الصلاة وقراءة المصحف، وطقوس أخرى بيني وبين ربي”.