بعد انتقاد حديثه عنها.. طبيب التغذية الخاص بـ شيرين يوضح

أوضح الدكتور محمود عفيفي، طبيب التغذية الخاص بالفنانة شيرين عبد الوهاب، حقيقة تخليه عنها بعد جدل ظهورها الأخير خلال حضورها عزاء والدة المايسترو أمير عبد المجيد، وما تبعه من تعليقات حول تغير ملامحها وزيادة وزنها.


قال "عفيفي" في توضيح نشره عبر حسابه على موقع "إنستجرام": "الناس اللي فهمت كلامي غلط وافتكرتني إني بتخلى عن الفنانة شيرين لما قولت إن أنا بقالي شهرين ما شوفتهاش".

أضاف: "كنت بس بوضح إن التغير اللي حصل في آخر فيديو لها وارد جدا يحصل لأي حد في رحلة الدايت، وارد يحصل انتكاسة لظروف معينة، ويرجع يكمل تاني عادي".


تابع: "أنا عمري ما أتخلى عنها ولا عمري اتخليت عن أي حالة عندي، وكان كلامي واضح إنه نبطل نشمت في الناس ونعيب عليهم بدون ما نعرف ظروفهم إيه".


اختتم توضيحه قائلا: "كنت بحاول أقلل الانتقادات السلبية والكلام الجارح اللي بينشر في كل حتة، وبالنسبة لي شيرين أيقونة الغناء المصري والصوت العربي، وهفضل أحاول معاها مهما حصل ليا من اتهامات وتجريح، واتقوا الله".

بعد ظهورها الأخير.. توضيح من طبيب التغذية الخاص بـ شيرين عبد الوهاب

كان "عفيفي" قد رد في تصريحات سابقة لـ "ET بالعربي" على الانتقادات الموجهة لشيرين عبد الوهاب بعد ظهورها الأخير في عزاء والدة المايسترو أمير عبد المجيد، مؤكدًا: "أنا بقالي فترة مشوفتهاش، أكتر من شهرين ونص ماتبعناش مع بعض، ومش عارف أوصلها".


أضاف: "آخر مرة كنت معاها كانت حالتها النفسية مش أحسن حاجة، وطبعا دي حاجة ليها أسباب تانية خاصة بيها".


أوضح أن العلاقة بين الحالة النفسية وزيادة الوزن، قائلاً: "لو حد ملتزم بنظام غذائي معين وحالته النفسية وحشة، ده بيعلي هرمون الكورتيزول، يعني مقاومة أنسولين ومنطقة البطن بتزيد بشكل كبير والوزن بيزيد".