حنان يوسف تروي رحلة تعافيها من مرض السرطان
تحدثت الفنانة حنان يوسف عن رحلة إصابتها وتعافيها من مرض سرطان الثدي منذ سنوات طويلة، مشيرة إلى أنها اضطرت إلى استصال الثدي وتعرضت للعلاج الإشعاعي حتى تعافت تمامًا.
قالت "يوسف" خلال حوراها مع يمنى البدراوي في حلقة مساء الخميس من برنامج "ورقة بيضا" المذاع عبر شاشة "النهار": "مش عارفة اسميها محنة، لأنها كانت أيام جميلة، البداية لما كنت بستحمى عند ماما ومش معايا ليفة، فبستحمى بإيدي فلقيت حاجة تحت إيدي فشوفت دي ايه وعرفت، لأن كان في دكتور قايل لينا إزاي نفحص نفسنا وبتبقى عاملة إزاي".
تابعت: "روحت كشفت وعملت فحوصات وعرفت أن عندي سرطان في الثدي من المرحلة الأولى والدكتور قال: هنشيل الثدي.. وشيلناه وشيلنا غدد ليمفاوية وخدت علاج إشعاعي والحمد لله".
أكدت حنان يوسف: "أول يوم عرفت فيه ما بقيتش عارفة أعمل إيه، وكنت بكلم ربنا وأقوله: طيب كان يبقى قبل ما أخلف.. لأن أحمد وقتها كان عنده سنة أو أقل، وده اللي وجعني.. بس الدكتور بعدها طمني وعدت الأيام الصعبة".