عمرو الليثي: "الحكومة لا بتسمع ولا بتشوف"
قال الاعلامي عمرو الليثي، في برنامجه ” واحد من الناس ” المذاع على قناة الحياه الاولى،:” الحقيقة أنا مش عارف ابدأ منين ولا منين المشاكل كتير، وهموم الناس بقت بالكوم، ومحدش عايز يسمع ولا يحس ، وواضح إن حكومتنا المبجلة جالها صمم وعمي وبقت لا تري لا تسمع لاتتحدث عن مشاكل الناس الحقيقة .”
و أضاف الليثى: “في كوكب اليابان المسئول من دول لما بيغلط بينتحر لإحساسه بالمسئولية، أما عندنا فلا حس ولا خبر ولا إحساس والسادة المسئولين بقوا لازقين علي كراسيهم.”
و تابع الليثى،:” في سوهاج انهار كوبري بعد ما اتبني ب7 اشهر بس وقبل ما يتم تسليمه .. و المصيبة مسئول بمحافظة سوهاج خرج يقولك اصلهم نسيوا يحطوا خوازيق في الكوبري نسيوا خوازيق في دماغك ..نسيوا ياحكومة فاشلة .. نسيوا يامسئولين ظلمه..الغريب ان الدنيا اتقلبت والرئيس تدخل وطلب من الجيش يحل المشكلة دي.. والحكومة ساكته لاسمعنا عن مسئول استقال ولا مهندس اتحال للتحقيق ولا اي حاجة حكومة الصم والبكم لسه ساكته .
وذكر الليثي واقعة أخرى قائلا:” في الغربية، دكاترة الرمد في مستشفي طنطا حقنوا المرضي بأدوية محرمة دولية سببت لهم ضعف الإبصار والعمي .. دكاتره فاسدين ومسئولين مغيبين وحكومة تايهه.. حسبنا الله ونعم الوكيل فيكم .”
اقرأ أيضًا:
20 ألف جنيه وراء اعتزال تامر عبد المنعم
ماذا فعلت الميديا في أزمة الدرب الأحمر؟
يوتيوب يغلق حسابات القنوات في هذه الحالات
لماذا لم تنظم جنازة عسكرية لهيكل؟
75 صورة لمحمد حسنين هيكل ترصد تاريخ العرب
.