بسبب الانتقادات.. منال سلامة: "أميرة" بنتي جالها اكتئاب!
علقت الفنانة منال سلامة على الانتقادات التي توجه لابنتها الفنانة الشابة أميرة أديب بعد طرح أي عمل فني لها، مشيرة إلى أن "أميرة" مرت بتجربة مع الاكتئاب بسبب ما يحدث معها، ولكنها سرعان ما تعافت منه.
قالت "سلامة" خلال لقائها مع "ET بالعربي": "أي شيء مختلف الناس ممكن تاخد منه موقف في الأول.. هي بتعمل اللي بتحبه وقالت هفضل أجرب حاجات كتير لحد سن الـ 30".
أضافت: "هي متعددة المواهب وشهادتي فيها مجروحة، شاطرة اوي ومبدعة وأعتقد إن اللي عندهم ADHD (اضطراب فرط الحركة ونقص الانتباه) معظمهم مبدعين، متتوعين ومختلفين وأنا فهمت ده متأخر".
نرشح لك: جامعة الإسكندرية: أزمة مستشفى الشاطبي تخضع للفحص الدقيق
تابعت: "أميرة بتمثل كويس جدًا وكانت عاملة مع دنيا سمير غانم دور شريرة زي ما الكتاب بيقول، وكون إن الناس كرهتها في الدور فده نجاح".
أشارت: "الناس قاسية اوي وفي سنها ده جالها اكتئاب بس الحمد لله فاقت منه.. أنا بقويها طبعًا لأنها بنتي وشايفة إنها مبتغلطش في حد، هي بنت بتجرب فلازم ندي لولادنا حق التجربة وهما اللي يختاروا بعد كده".
أكملت: "احنا مبنديش نصائح خالص ده مش من عاداتنا، أنا بتفاجئ إن أميرة في البيت وتبقى على باب الأوضة كده وتقول لي: مامي أنا لسه راجعة ومضيت مسلسل كذا.. ممكن في الأول خالص كانت تقول لي: الكلمة دي معناها إيه؟ لأنها كانت في مدارس أمريكي لكن أنا كنت معلماهم العربي كويس وقرآن، يعني الحمد له في سن صغير كانت حافظة جزء ونص".