إيناس الدغيدي: رفضت الزواج من صديق مثلي الجنس
كشفت المخرجة إيناس الدغيدي، عن رفضها عرض زواج من أحد أصدقائها المثلي جنسيا.
قالت "الدغيدي"، خلال استضافتها ببرنامج "أسرار" مع أميرة بدر المذاع على قناة "النهار": "عرض زواجي من صديقي المثلي جنسيًا رفضته، هو كان صديق بره عايش في إيطاليا، وكان سنه كبير، وعارف إني عارفة، وكان عايزني عشان أبقى رفيقة، لأن سننا مش بتاع شهوة".
نرشح لك: إيناس الدغيدي: اتجوزت اللي حبيته واتحديت أهلي والدين
تابعت: "وضحكت لما عرض عليا، ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير".
في سياق آخر، قالت: "عمري ما حسدت حد، وبحب أشوف الفنجان، وكل شهور واحدة بتجيلي تقرالي الفنجان، لأني مقتنعة إني اللي بشوفه بحققه، وآخر مرة من أسبوع واحدة قالتلي هيجيلك موبيل هدية، قلت إيه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق".
وعن رأيها في ليلى عبد اللطيف، ذكرت: "هي صديقتي لكن شافتلي مرة ومتحققش". مضيفة: "عندي شراهه للسفر، لما برجع من رحلة بفكر في اللي بعدها، وأنا حاليا في آخر حياتي عايزة الف العالم، يارب ابعتلى مليون دولار عشان الف العالم، ونفسي اشتغل مع الهام شاهين مسرح لانها خريجة مسرح ولغتها كويسة".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.