استمع.. أغنية "يا مولانا" لـ أحمد سعد والجوكر
طرح الفنان أحمد سعد أغنية جديدة تحمل اسم "يا مولانا" مع مطرب الراب الجوكر، عبر قناته الرسمية على موقع الفيديوهات "يوتيوب".
أغنية "يا مولانا" من كلمات الجوكر، ميكس وماستر أحمد إيهاب.
نرشح لك: شاهد.. البرومو الرسمي لمسلسل "المداح 4" رمضان 2024
وجاءت كلمات أغنية "يا مولانا" كالآتي:
ضلمة في أركان الفكر
الذئب اللي في حلقة الذكر
البحث عن نوره مش حكر
كان في منه في شخصيتي البكر
متعلوش علينا المنافسة
لو أحسن انت أحسن لنفسك
أما لو عينك ع اللقطة يبقى انت من جوة مش أحسن
جاي من أبعد نقطة في الشمال
عارف إني ماشي صح مهما إتقال
كارف أي حد يعاير ب اللي كان
حالف أجاوب بس اللي حقه السؤال
ولا مش هسيبكوا تاكلوا روحي زي السوس
ولا هشارك في سباقات أخسرها أفوز
نفوس نفوس تعوز تعوز فلوس نفوذ تدوس تدوس تدوس تبوظ
دي ضلمة في أركان الفكر
الذئب اللي في حلقة الذكر
البحث عن نوره مش حكر
كان في منه في شخصيتي البكر
متعلوش علينا المنافسة
لو أحسن انت أحسن لنفسك
أما لو عينك ع اللقطة يبقى انت من جوة مش أحسن
يا سيدنا
في عرض إنك تاخد بإيدنا
نفوسنا بتحاول تصيدنا
وجهنا لتصيبنا
يا مولانا نفوسنا شدانا
ضعاف بنستقوى اما نورك يملانا
الدنيا نداهة ندهانا
امنعنا نتدانى
يا سيدنا
في عرض إنك تاخد بإيدنا
نفوسنا بتحاول تصيدنا
وجهنا لتصيبنا
يا مولانا نفوسنا شدانا
ضعاف بنستقوى اما نورك يملانا
الدنيا نداهة نداهة ندهانا
امنعنا نتدانى
العوز ده بلا
قلبك بيفضى اما راسك تتملى
نزحم نفوسنا نتخبط في الخلا
نتطمن بغيره منعيش إلا في قلق
محدش مطول العالم ده هيلتون
كله مع شيلته
أبيض في جيمي لو جيمك قفلته
مفيش كفن بجيوب
أفعالنا بتحبر قدرنا المكتوب
الناس اللي بتغرق في الضلمة وتدوب
مش هو اللي نسيهم ده هما اللي نسوه
محدش رايحله بيتوه
محدش رايحله بيتوه
واعد ما يرد اللي يروح
مهما نتخطى المسموح
حاضر وبابه مفتوح
يا سيدنا
في عرض إنك تاخد بإيدنا
نفوسنا بتحاول تصيدنا
وجهنا لتصيبنا
يا مولانا نفوسنا شدانا
ضعاف بنستقوى اما نورك يملانا
الدنيا نداهة ندهانا
امنعنا نتدانى
لغة الكلام كما رأيت على فمي خجلي ولولا الحب لم أتكلم
يا مركز التوحيد حسبي أنني أحد الشداة الهائمين الهوم
يذكر أن، آخر أغاني الفنان أحمد سعد كانت بالتعاون مع الفنانة أصالة بعنوان "سبب فرحتي" بمناسبة عيد الحب الماضي، والتي طرحت عبر قناتها الرسمية على "يوتيوب".
الأغنية من كلمات محمد شافعي، وألحان أحمد سعد، وتوزيع محمد عاطف الحلو، ميكس وماستر هاني محروس.