شاهد.. أغنية "حوا" لـ تامر حسني بمشاركة أسيل عمران
طرح الفنان تامر حسني أغنية جديدة من ألبوم “هرمون السعادة” تحمل اسم “حوا”، وذلك عبر قناته الرسمية على موقع “يوتيوب“.
شاركت الفنانة أسيل عمران في الفيديو كليب الخاص بالأغنية، وتعد تلك المشاركة الثانية لها مع تامر حسني في فيديو كليب خاص بأغانيه، وذلك بعد نجاح أغنية “ناسيني ليه”.
نرشح لك: كلمات أغنية “حوا” لـ تامر حسني
الأغنية من كلمات وألحان تامر حسني، توزيع وميكس وماستر علي فتح الله.
وجاءت كلمات الأغنية كالتالي:
اشتريت كتاب اسمه
كيف تفهم حوا
قولت هعرف منه
إيه في دماغها جوا
حوا في كل الجنسيات
بجد تركيبة واحدة
لو هنسمي في مسميات
أحن حنينة جاحده
حافظين مش فاهمين
نفس الكلام و يتردد
و إحنا عايشين مساكين
بنجيب
في هدايا ونسدد
آه و نسدد
و بعد ما كان
نفسي في واحدة تفهمني
من غير ما أتكلم
ما أتكلم
بقيت أدعي ألاقي واحده
تفهمني أصلاً و أنا بتكلم
بتكلم
في جوا دماغ حوا كذا حد
ملاك .. شيطان
والله تعبت
لما تعاملها كده أنت وحظك
في اللي ساعتها بقى ماسك الـ Shift
وديتها مرة للدكتور
دكتور دقيقة و نبقى عندك
سألها مالك ؟
قالتله مالي !
ما انت لو مهتم كنت عرفت لوحدك
حافظين مش فاهمين
نفس الكلام و بيتردد
بيتردد
و إحنا عايشين مساكين
بنجيب
في هدايا ونسدد
آه و نسدد
و بعد ما كان
نفسي في واحده تفهمني
من غير ما أتكلم
ما أتكلم
بقيت أدعي ألاقي واحده
تفهمني أصلاً و أنا بتكلم
بتكلم
يذكر أن الفنان تامر حسني، أعلن منذ أيام قليلة، عن تعاونه للمرة الثانية مع الفنانة أسيل عمران، بعد نجاح فيديو كليب “ناسيني ليه”.
كتب تامر عبر حسابه الرسمي على موقع الصور والفيديوهات “إنستجرام”: “رجعنالكم تاني أنا والنجمة الجميلة آسيل عمران بعد كليب (ناسيني ليه) اللي كلكم حبيتوه.. بس دلوقتي مش كليب بس إحنا بنحضر رحلة فنية أطول كنتوا مستنينها من زمان”.
اشار: “انتظروا أول خطوة في الرحلة هي كليب أغنيتي الجديده (حوّا) من ألبوم (هرمون السعادة) يوم الخميس المقبل إن شاء الله الساعة السادسة مساء”.
فيديو كليب “ناسيني ليه”، من كلمات تامر حسين، ألحان تامر علي، توزيع وسام عبد المنعم، إخراج سعيد الماروق، وهو من ألبومه “عيش بشوقك”.
كان تامر قد طرح فيديو كليب أغنية “هرمون السعادة” من فيلم “تاج” الذي تم عرضه بالسينمات في عيد الأضحى المبارك، الأغنية من كلمات أحمد جابر، وألحان علي الخواجة، توزيع حاتم محسن.
يشارك في بطولة فيلم “تاج” عدد كبير من الفنانين، أبرزهم تامر حسني، دينا الشربيني، هالة فاخر، عمرو عبد الجليل، أحمد بدير، محمد أبو داوود، سمر محمد متولي، ساندي وأحمد عبد العزيز، وغيرهم، والعمل من إخراج سارة وفيق.