بعد غياب 4 سنوات.. أيمن بهجت قمر يتعاون مع محمد حماقي
أعلن المؤلف أيمن بهجت قمر، تعاونه الجديد مع الفنان محمد حماقي، في أغنية جديدة سيتم طرحها خلال أيام، مشيرا إلى أنها تعتبر عودة لتعاونهما سويا بعد غياب دام 4 سنوات.
كتب “قمر” عبر حسابه الشخصي على موقع التواصل الاجتماعي “فيسبوك”: “من أول (بتضحك) إلى (يا ستار)، رحلة طويلة مع حماقي غيبنا فيها آخر 4 سنين عن الشغل مع بعض، كام يوم وهتنزلي أغنية جديدة وعودة لينا، وكمان الأغنيه لحن حماقي”.
نرشح لك: محمد رمضان يكشف مصير الجزء الثاني من “جعفر العمدة”
جدير بالذكر أن الفنان محمد حماقي، كان قد طرح أغنيته الجديدة “مش كفاية فراق” عبر قناته على موقع يوتيوب.
الأغنية من كلمات تامر حسين، ألحان تامر علي، توزيع موسيقى وميكس تميم.
وجاءت كلمات الأغنية كالتالي:
مشاوير ذكريات وسنين
تفاصيل هنلاقيها في مين
وسؤال كل يوم بالليل
راجعين ولا مش راجعين
حواديت زي حب زمان
عناوين روحنا كل مكان
أيام مش بتيجي كتير
أيام تغلب النسيان
يا فراق
مش كفاية فراق
هرتاح أمتى من الأشواق
وديت ليه حبيبي بعيد
أوجاعي كل يوم بتزيد
يا فراق مش كفاية فراق
يا فراق جاي على العشاق
يرضيك هو إحنا أي اتنين
ما تروح روح لناس تانيين
في اليوم ألف مرة بموت
بيبان إني مش مبسوط
وهجيب فرحة تاني منين
على الفاضي عمري بقى بيفوت
الباب متقفلش وراه
كداب لو هقول أنساه
وهعيش على الأمل ده هعيش
دي حياتي كلها وياه